Sayasattanuşı Äzimbay Ğali. Foto: QT

Mamin prem'er - ministr qızmetinde aldımen Jañaözen dürbeleñ zabastovkasın beybit jolmen ımıralastıru jolın izdeydi. Mañğıstauda öndiristiñ ärtaraptanuı tömen - barlıq  öndiris şikizatqa negizdelgen; mwnay - gaz ben urannan basqa mineraldıq şikizattan olar şığa alğan joq. Ekinşi jağday,  halıq sanı tım tez ösip kele jatır - tabiği ösimge immigrant qazaqtar qosılıp Qaraqalpaqstannan jäne Türkimenstannan qazaqtar kelip jatır.  Qalalar az uaqıtta poselkeden şağın qalağa, odan keyin  orta qalağa aynalıp infraqwrılım tapşılığın tudıradı. Mañğıstauda auıl şaruaşılıq, eginşilik joq. Bwl diversifikaciyalıq mäselelerdi uşıqtıradı. Mañğıstaulıqtardıñ birazın Qarağandı, Kökşetau, Qostanay, Soltüstik Qazaqstanğa köşuge ügittemese  bolmaydı. Bwl ölkeler soñğı on-on bes jılda bosap qaldı. Al  äleumettik infraqwrılım artta qalıp keledi.  Mamin ekinşiden, jekeşelindiru mäselesimen kez keledi. Investordıñ birazı  "Samwrıq Qazına" tender arqılı menşik ielense de, qosımşa investiciyanı operativti türde äkele almaydı. Investiciya uaqıt kerek etedi. Mañğıstau ölkesinde eñbekqol tım artıq,   biraq qazaq – özbek emes, qazaq basın izep,  Reseyden jwmıs izdegendi qwp körmeydi. Sonımen Mamin Mañğıstaudağı jağdaymen tanıs, oğan  uaqıt kerek. Mwnay ieleriniñ mölşeri 40% Qıtay. Özimizdiñ investorlar da jwmısşılardıñ talabın orındauğa, kölemdi qarjı - şığın jasauğa oñaylıqpen könbeydi. Bizdiñ memlekettiñ prem'eri tehnikalıq funkciya, är mäseleniñ şeşilui prezidenttiñ aralasuın talap etedi. Sonımen operativtik tapsırmadan basqa, strategiyalıq maqsattı şeşu kerek. Ol auıl şaruaşılığına qatıstı. Ol Qazaqstandağı iri jer menşigin şekteu jäne  jer ieligin fermerlik şarualarğa berip, jerdi narıqtıq aynalımğa salıp, zalog-kredit jüyesin damıtu. Qazaq 70%, endi iri jer latifundisterdiñ menşigin şektep, qazaqtıñ jerin qazaqtan qızğanbay, jeke menşikke negizdelgen fermerlik şaruaşılıqtı damıtatın kez keldi. Bwl jwmıs kürdeli az degende bes jıl uaqıt kerek etedi.

Sağıntaev qazaqşa söyleytin, Mamin de solay bolar ma?!

"The Qazaq Times"