ءازىمباي عالي: ءپاپيندى داتتاماي، ءماميندى تورگە شىعارۋ ءراسىمى

مامين پرەمەر - مينيستر قىزمەتىندە الدىمەن جاڭاوزەن دۇربەلەڭ زاباستوۆكاسىن بەيبىت جولمەن ىمىرالاستىرۋ جولىن ىزدەيدى. ماڭعىستاۋدا ءوندىرىستىڭ ءارتاراپتانۋى تومەن - بارلىق  ءوندىرىس شيكىزاتقا نەگىزدەلگەن; مۇناي - گاز بەن ۋراننان باسقا مينەرالدىق شيكىزاتتان ولار شىعا العان جوق. ەكىنشى جاعداي،  حالىق سانى تىم تەز ءوسىپ كەلە جاتىر - تابيعي وسىمگە يمميگرانت قازاقتار قوسىلىپ قاراقالپاقستاننان جانە تۇركىمەنستاننان قازاقتار كەلىپ جاتىر.  قالالار از ۋاقىتتا پوسەلكەدەن شاعىن قالاعا، ودان كەيىن  ورتا قالاعا اينالىپ ينفراقۇرىلىم تاپشىلىعىن تۋدىرادى. ماڭعىستاۋدا اۋىل شارۋاشىلىق، ەگىنشىلىك جوق. بۇل ديۆەرسيفيكاتسيالىق ماسەلەلەردى ۋشىقتىرادى. ماڭعىستاۋلىقتاردىڭ ءبىرازىن قاراعاندى، كوكشەتاۋ، قوستاناي، سولتۇستىك قازاقستانعا كوشۋگە ۇگىتتەمەسە  بولمايدى. بۇل ولكەلەر سوڭعى ون-ون بەس جىلدا بوساپ قالدى. ال  الەۋمەتتىك ينفراقۇرىلىم ارتتا قالىپ كەلەدى.  مامين ەكىنشىدەن، جەكەشەلىندىرۋ ماسەلەسىمەن كەز كەلەدى. ينۆەستوردىڭ ءبىرازى  "سامۇرىق قازىنا" تەندەر ارقىلى مەنشىك يەلەنسە دە، قوسىمشا ينۆەستيتسيانى وپەراتيۆتى تۇردە اكەلە المايدى. ينۆەستيتسيا ۋاقىت كەرەك ەتەدى. ماڭعىستاۋ ولكەسىندە ەڭبەكقول تىم ارتىق،   بىراق قازاق – وزبەك ەمەس، قازاق باسىن يزەپ،  رەسەيدەن جۇمىس ىزدەگەندى قۇپ كورمەيدى. سونىمەن مامين ماڭعىستاۋداعى جاعدايمەن تانىس، وعان  ۋاقىت كەرەك. مۇناي يەلەرىنىڭ مولشەرى 40% قىتاي. ءوزىمىزدىڭ ينۆەستورلار دا جۇمىسشىلاردىڭ تالابىن ورىنداۋعا، كولەمدى قارجى - شىعىن جاساۋعا وڭايلىقپەن كونبەيدى. ءبىزدىڭ مەملەكەتتىڭ پرەمەرى تەحنيكالىق فۋنكتسيا، ءار ماسەلەنىڭ شەشىلۋى پرەزيدەنتتىڭ ارالاسۋىن تالاپ ەتەدى. سونىمەن وپەراتيۆتىك تاپسىرمادان باسقا، ستراتەگيالىق ماقساتتى شەشۋ كەرەك. ول اۋىل شارۋاشىلىعىنا قاتىستى. ول قازاقستانداعى ءىرى جەر مەنشىگىن شەكتەۋ جانە  جەر يەلىگىن فەرمەرلىك شارۋالارعا بەرىپ، جەردى نارىقتىق اينالىمعا سالىپ، زالوگ-كرەديت جۇيەسىن دامىتۋ. قازاق 70%، ەندى ءىرى جەر لاتيفۋنديستەردىڭ مەنشىگىن شەكتەپ، قازاقتىڭ جەرىن قازاقتان قىزعانباي، جەكە مەنشىككە نەگىزدەلگەن فەرمەرلىك شارۋاشىلىقتى دامىتاتىن كەز كەلدى. بۇل جۇمىس كۇردەلى از دەگەندە بەس جىل ۋاقىت كەرەك ەتەدى.

ساعىنتاەۆ قازاقشا سويلەيتىن، مامين دە سولاي بولار ما؟!

"The Qazaq Times"