AQŞ memlekettik hatşısı Mayk Pompeo kezekti Europa saparına attanbaq. Bwl saparında Pompeo Majarstan, Slovakiya, Pol'şa jäne Islandiya qatarlı europalıq elderge barmaq. Bwl turalı AQŞ Memlekettik departamentiniñ jazbaşa mälimdemesinde belgili boldı.

Pompeonıñ kezekti saparı 11 aqpan küni Majarstannan bastalmaq. Budapeştte Majarstannıñ prem'er-ministri jäne özgede joğarı lauazımdı ökilderimen kezdesedi. 12 aqpan Slovakiya prezidentimen kezdesse, sol küni Varşavağa saparlap, Pol'şa ükimet basşılarımen kezdesu ötkizedi.

Bwdan keyin AQŞ memlekettik hatşısı Pol'şadan attanğannan keyin, Bryussel'de Europa Odağınıñ Sırtqı ister jäne qauipsizdik jönindegi komitetimen Venesuela mäselesin talqığa salatın boladı.

Europadağı 4 kündik sapar Islandiyadan ayaqtaladı. Pompeonıñ kezekti Şığıs Europa elderine saparı Resey men Europa qatınası jäne öñirdegi qauipsizdik mäseleler, AQŞ-tıñ aymaqtağı ıqpalı turalı jaña özgeristerdiñ nışanı deuge boladı. Sonday-aq, Bryussel'de Venesuelağa birqatar Batıs elderiniñ ortaq qadam jasauın talqılauı mümkin.

“The Qazaq Times”