اقش مەملەكەتتىك حاتشىسى مايك پومپەو كەزەكتى ەۋروپا ساپارىنا اتتانباق. بۇل ساپارىندا پومپەو ماجارستان، سلوۆاكيا، پولشا جانە يسلانديا قاتارلى ەۋروپالىق ەلدەرگە بارماق. بۇل تۋرالى اقش مەملەكەتتىك دەپارتامەنتىنىڭ جازباشا مالىمدەمەسىندە بەلگىلى بولدى.

پومپەونىڭ كەزەكتى ساپارى 11 اقپان كۇنى ماجارستاننان باستالماق. بۋداپەشتتە ماجارستاننىڭ پرەمەر-ءمينيسترى جانە وزگەدە جوعارى لاۋازىمدى وكىلدەرىمەن كەزدەسەدى. 12 اقپان سلوۆاكيا پرەزيدەنتىمەن كەزدەسسە، سول كۇنى ۆارشاۆاعا ساپارلاپ، پولشا ۇكىمەت باسشىلارىمەن كەزدەسۋ وتكىزەدى.

بۇدان كەيىن اقش مەملەكەتتىك حاتشىسى پولشادان اتتانعاننان كەيىن، بريۋسسەلدە ەۋروپا وداعىنىڭ سىرتقى ىستەر جانە قاۋىپسىزدىك جونىندەگى كوميتەتىمەن ۆەنەسۋەلا ماسەلەسىن تالقىعا سالاتىن بولادى.

ەۋروپاداعى 4 كۇندىك ساپار يسلانديادان اياقتالادى. پومپەونىڭ كەزەكتى شىعىس ەۋروپا ەلدەرىنە ساپارى رەسەي مەن ەۋروپا قاتىناسى جانە وڭىردەگى قاۋىپسىزدىك ماسەلەلەر، اقش-تىڭ ايماقتاعى ىقپالى تۋرالى جاڭا وزگەرىستەردىڭ نىشانى دەۋگە بولادى. سونداي-اق، بريۋسسەلدە ۆەنەسۋەلاعا بىرقاتار باتىس ەلدەرىنىڭ ورتاق قادام جاساۋىن تالقىلاۋى مۇمكىن.

“The Qazaq Times”