Nwrswltan Nazarbaev öziniñ Konstituciyalıq Keñeske ne üşin ötiniş jasağanın tüsindirdi.

«Bwl ädettegi memlekettik mäsele. 1995 jılı Ata Zañ qabıldanğalı beri Konstituciyalıq Keñeske 220 ötiniş jasaldı. Onıñ işinde 22 meniñ prezidenttik ötinişim bar. Zañda olqılıqtar boladı, bwl qalıptı jağday. Konstituciyalıq Keñes arnayı qwrılğan.  Zañ Konstituciyalıq Keñeske Ata Zañdağı mäselelerdi talqılauğa qwqıq beredi. Bwl jöninde şulaudıñ qajeti joq. Ärine, barlığın bwl prezident saylauı ma, bilik tranziti me? degen swraqtar qızıqtıradı. Konstituciyanı oqıñızdar. Prezident turalı zañdı oqıñızdar. Sonda barlığı naqtı jazılğan. Iä, Konstituciya boyınşa, prezidenttiñ merziminen bwrın saylau ötkizu qwqığı bar. Biraq bizge bwnıñ qajeti joq. Barlığımız sabır saqtap, tınış jwmıs isteyik» - dep mälimdedi Nazarbaev.

Esteriñizge salayıq, keşe BAQ betterinde prezidenttiñ Konstituciyalıq Keñeske Ata Zañdağı 42 baptıñ 3-tarmağına tüsinikteme berudi swrap, ötiniş joldağandığı jöninde aqparat tarağan. Osıdan keyin jurnalister men sarapşılar «Aqorda kezekten tıs prezident saylauın ötkizuge dayındalıp jatır» degen boljamdar ayta bastağan.

"The Qazaq Times"