نۇرسۇلتان نازارباەۆ ءوزىنىڭ كونستيتۋتسيالىق كەڭەسكە نە ءۇشىن ءوتىنىش جاساعانىن ءتۇسىندىردى.

«بۇل ادەتتەگى مەملەكەتتىك ماسەلە. 1995 جىلى اتا زاڭ قابىلدانعالى بەرى كونستيتۋتسيالىق كەڭەسكە 220 ءوتىنىش جاسالدى. ونىڭ ىشىندە 22 مەنىڭ پرەزيدەنتتىك ءوتىنىشىم بار. زاڭدا ولقىلىقتار بولادى، بۇل قالىپتى جاعداي. كونستيتۋتسيالىق كەڭەس ارنايى قۇرىلعان.  زاڭ كونستيتۋتسيالىق كەڭەسكە اتا زاڭداعى ماسەلەلەردى تالقىلاۋعا قۇقىق بەرەدى. بۇل جونىندە شۋلاۋدىڭ قاجەتى جوق. ارينە، بارلىعىن بۇل پرەزيدەنت سايلاۋى ما، بيلىك ءترانزيتى مە؟ دەگەن سۇراقتار قىزىقتىرادى. كونستيتۋتسيانى وقىڭىزدار. پرەزيدەنت تۋرالى زاڭدى وقىڭىزدار. سوندا بارلىعى ناقتى جازىلعان. ءيا، كونستيتۋتسيا بويىنشا، پرەزيدەنتتىڭ مەرزىمىنەن بۇرىن سايلاۋ وتكىزۋ قۇقىعى بار. بىراق بىزگە بۇنىڭ قاجەتى جوق. بارلىعىمىز سابىر ساقتاپ، تىنىش جۇمىس ىستەيىك» - دەپ مالىمدەدى نازارباەۆ.

ەستەرىڭىزگە سالايىق، كەشە باق بەتتەرىندە پرەزيدەنتتىڭ كونستيتۋتسيالىق كەڭەسكە اتا زاڭداعى 42 باپتىڭ 3-تارماعىنا تۇسىنىكتەمە بەرۋدى سۇراپ، ءوتىنىش جولداعاندىعى جونىندە اقپارات تاراعان. وسىدان كەيىن جۋرناليستەر مەن ساراپشىلار «اقوردا كەزەكتەن تىس پرەزيدەنت سايلاۋىن وتكىزۋگە دايىندالىپ جاتىر» دەگەن بولجامدار ايتا باستاعان.

"The Qazaq Times"