Foto: kapital.kz

Arab elderi Kedendik odaq qwrmaq.

Beyrut qalasında ötken Arab elderi ligasınıñ sammitinde wyımğa müşe elder keden odağı men erekin sauda aymağın qwruğa baylanıstı kelisimge keldi. Arab elderi ligası bas hatşısınıñ orınbasırı Husam Zakidiñ sözinşe, keden odağı ayasında birigu ligağa müşe 20 memlekettiñ azıq-tülik qauipsizdigin qamtamasız etedi jäne odan arı twraqtı damuına septigin tigizedi.

Bwdan bölek sammit ayasında Birikken Arab Ämirlikteri men Saud Arabiyası qosılıp kriptovalyuta jüyesin jasauğa uağdalastı. Sarapşılar pikirinşe, bwl aymaq ekonomikası üşin öte mañızdı kelisim jäne aldağı uaqıtta atalmış uağdalastıq öziniñ oñ nätijesin beredi.

Esteriñizge salayıq, 2015 jılı Qazaqstan, Belarus' jäne Resey elderi (keyinnen Qırğızstan men Armeniya qosıldı) Euraziyalıq ekonomikalıq odaq qwrğan. Ol kezde de memleket basşıları men birqatar sarapşılar "Euraziyalıq odaqtıñ qwrıluı aymaq ekonomikasınıñ damuına oñ ıqpal etetin boladı" - degen boljam aytqan. Biraq uaqıt öte odaqtıñ paydasınan ziyanı köbirek ekendigi belgili boldı. Bastapqıda wyımğa müşe elder odaq ayasında tauar, kapital jäne eñbek küşi emin-erkin jüredi dep keliskenimen is jüzinde bwl kelisimder orındalmay qaldı. Resey öz narığına Qazaqstan men Belarus'ten baratın tauarlarğa türli sıltaularmen şektau qoyıp, qoldan kedergi jasadı. Onıñ üstine soñğı jıldarı Reseyge salınğan batıs elderiniñ sankciyaları wyımğa müşe özge memdeketterdiñ ekonomikasına keri äserin tigizude.

"The Qazaq Times"