Aqparat jäne kommunikaciyalar ministri Däuren Abaev. Foto: Radio Azattık

Äleumettik jelilerdi baqılau adam qwqığın şektemeydi.

Aqparat jäne kommunikaciyalar ministri Däuren Abaev Qazaqstannıñ äleumettik jelilerge baqılau jürgizuge qatıstı Reseydiñ «Kvant» ğılımi-zertteu institutımen aradağı baylanısına qatıstı pikir bildirdi.

Ministr mırza jurnalisterdiñ: «Äleumettik jelilerdi baqılau adam qwqığın, azamattardıñ aqparat alu qwqığın şektemey me?» degen swrağına: «Şektemeydi, añdu, baqılau bolmaydı» - dep qısqa ğana jauap qattı.

Bwdan bölek ol qazaqstandıq BAQ-ta qızu talqılanğan Reseydiñ «Kvant» ğılımi-zertteu institutına Qazaqstan biliginiñ äleumettik jelilerdi baqılaytın qwrılğılarğa tapsırıs bergendigi jönindegi aqparatqa jauap berdi. Biraq bwl jerde de Abaev mırza qısqa da nwsqa jauap berdi. Ol öz sözinde «Aqparat jäne kommunikaciyalar ministrligi reseyliktermen eşqanday baylanıs ornatpağandığın» aytıp, jalpı, äleumettik jelilerdi baqılau halıqtıñ narazılıq köñil küyin anıqtau üşin emes, zañğa qayşı materialdardıñ jariyalanıp ketpeuin qadağalau üşin qajet ekendigin jetkizdi.

Esteriñizge salayıq, ötken aptada «Digital Revolution» tobınıñ hakerleri Reseydiñ Federaldı qauipsizdik qızmetine tiesili «Kvant» ğılımi-zertteuler institutınıñ komp'yuterler jüyesin bwzğandığın mälimdegen. Olar taratqan qwjatta atalğan jüye negizinen äleumettik jelilerdegi narazı toptı anıqtaumen aynalısatındığı körsetilgen. «Digital Revolution» ökilderi reseylik baqılau jüyesine Qazaqstannıñ da tapsırıs bergendigin atap ötken. BBC aqparat agenttiginiñ mälimetinşe, Qazaqstannıñ aqparat jäne kommunikaciyalar ministrligi atalmış jüyeni satıp aluğa 4,3 mln dollar qarjı bölgen.

"The Qazaq Times"