Foto: bbc.com

2017 jıldıñ  qañtar ayında, AQŞ-tıñ 45-şi prezidenti retinde Donald Tramp taqqa otırdı. Keyinnen Barak Obamanıñ qolına «Reseydiñ AQŞ prezident saylauına aralasqandığı turalı» AQŞ agenttikteriniñ mälimeti tapsırıldı. Saldarınan Qwrama Ştattarda ülken sayasi dauıl tuğan edi. Bwl Resey-AQŞ qatınasına salqının tigizip, onsızda qırği-qabaq eki eldiñ qarım-qatınasın uşıqtırdı. Atalmış saylauğa Reseydiñ aralasqanın Tramptıñ özi de moyındadı. Soğan baylanıstı prezident arnayı şaralar qoldanatındığın jetkizgen edi.

AQŞ qana emes, Resey men Europa qatınası da dürdaraz küyde twr. Reseydiñ Ukraina şekarasına swğanaqtıq jasap, Qırımdı bölui – Batıstıñ principine öreskel qayşılıq.  Reseyge şekaralas Europa NATO arqılı ses körsetip keledi. Al, Resey oğan jauap retinde öziniñ yadrolıq oq twmsıqtarın "bwlğañdattı".

Senator jäne respublikaşıldar  partiya ökili Djon Makkeynniñ aytuı boyınşa, RF prezidenti Vladimir Putin AQŞ-tağı saylauğa aralasuınıñ bastı sebepteriniñ biri: Uaşington Reseydiñ sırtqı sayasatına baylanıstı eşbir jauap qaytarmauı dep körsetti .

Osı mäselege oray, FTB (Federaldı tergeu byurosı) basşısı Djeyms Komi, Tramptıñ Reseymen qarım-qatınasına baylanıstı, Senat müşelerimen  3 sağattıq jabıq brifing ötkizdi.  CNN agenttiginiñ habarlauınşa, talqığa tüsken bastı mäsele – AQŞ-tağı saylauğa Reseydiñ ıqpalı qanday ekendigin anıqtau.

Foto: rosbalt.ru

Respublikalıq Marko Rubio kezdesuden keyin Komitettiñ atalmış mäselege tereñ zertteu jürgizetinin jetkizdi. Öz kezeginde demokratiyalıq partiyanıñ ökili Mark Uornerdiñ aytuınşa,  Komitet zertteudi jeñildetetin Aq üydegi barlıq qwjattardı jasırın  saqtap qaludı ötingen. Degenmen, osı jolğı brifingte eşqanday resmi mälimdemeler jasalğan joq.

Komitet AQŞ-tağı saylauğa Reseydiñ qanşalıqtı ıqpalı bar ekendigin anıqtaudı jäne Donald Tramp pen Mäskeudiñ qarım-qatınasın zertteudi öz moynına alıp otır.

Halıqaralıq sayasi zertteuler jetekşisi Ien Bond bılay deydi:  «Trampqa sayasi ökilderdiñ tarapınan Reseyge jılılıq tanıtpay, qatal qarım-qatınasta boluı kerek degen wsınıstar köp aytıldı. Onıñ üstine qazirgi tañda, sınaqqa ötkizedi degen jaña raketalardı sınaqtan ötkizip qana qalmay, onı   jauıngerlik kezekşilikke qoydı degen mälimetter kelip jetti. Bwl degeniñiz endigi Reseyge qataldıq tanıtu kerek degen söz. Sebebi, ol NATO-nıñ senimine kirip, Al'yanstı işinen böludi közdep otır. Qazir, Resey – NATO üşin öte qauipti el».

AQŞ-tağı sayasi-äleumettik  kez kelgen özgeris bükil eldiñ nazarında jüretini belgili. Qazirgi Pentagon basşısı Djeyms Mettis  Reseydiñ saylauğa aralasqanına jäne özge elderdegi saylauğa aralasqısı kelgendigine  kümäniniñ joq ekendigin bildirdi.

Foto: rosbalt.ru

Sonımen qatar, Myunhen konferenciyası kezinde, Germaniya kancleri Angela Merkel'diñ aytuınşa, AQŞ 25 jıldan beri Reseymen qarım-qatınasın dwrıstay almay keledi. Ol AQŞ-tıñ ğana emes, jalpı batıs elderiniñ Reseymen qarım-qatınası jöninde bılay degen bolatın:

«Soñğı 25 jılda biz Reseymen twraqtı qarım-qatınas ornata almadıq. Biraq ol bizdiñ körşimiz ğoy, ol – EO-nıñ sırtqı şekarası».

Germaniya kancleri qanday qiın kezder bolsa da, NATO-nıñ küşin saqtap qaluğa şaqırdı. Onıñ aytuınşa, Resey men Al'yanstı ortaq maqsattar men qızığuşılıqtar baylanıstıradı. Merkel' bwl olqılıqtıñ ornın toltıruğa jäne naqtı halıqaralıq   qatınastardı retteuge küş jwmsaytının ayttı.

«The Qazaq Times»