Foto: voachinese.com

19 tamız AQŞ demokrattarı jalpı jinalısında özderiniñ tört jıldıq wlttıq Kongresin qaraşa ayındağı jalpı halıqtıq saylauda saqtap qalıu üşin qoldan kelgenniñ bärin jasamaq.

Demokrattardıñ jalpı jinalısınıñ üşinşi küni   zorlıq-zombılıq, klimattıñ özgerui, immigraciya, äyelder qwqığı jäne ekonomika siyaqtı mäseleler qarastrıldı, bwrınğı vice-prezident Bayden saylansa osı negizgi mäselelerdi şeşip, AQŞ qoğamın jaqsartadı dep mälimdedi.

Bwrınğı prezident Obama demokrattar jinalısında söz söyledi.Segiz jıl boyı bilikte bolıp, 2017 jılı qızmetinen ketken Obama öziniñ iz basarı qazirgi prezident Tramptı müldem biliksiz dep sınğa aldı.

Foto: inquirer.com

"Men eşqaşan meniñ izbasarım meniñ sayasatımdı jalğastıradı dep kütken emespin, biraq men bizdiñ el üşin Tramp bwl jwmıstı bayıppen orındaydı dep ümittendim, ol bwl jwmıstıñ salmağın sezinedi jäne basqaratın eldiñ demokratiyasına qwrmet körsetedi dep sendim, biraq ol mwnı jasamadı", - dedi Obala.

Särsenbide Aq üyde ötken baspasöz mäslihatında prezident Tramp Obamanıñ ayıptaularına jauap berdi. "Prezident Obama men Bayden qızmetin dwrıs atqarmadı, sol sebepti men osındamın. Eger olar jaqsı jwmıs istese, men mwnda bolmas edim.Eger olar jaqsı äreket etse, Men müldem prezidenttikke ümitker bolmas edim.”

Foto: eadaily.com

Bwl jinalıstıñ alğaşqı üş küninde demokrattar işki mäselelerge nazar audardı, sırtqı sayasat turalı az söz qozğaldı jäne Qıtay maselesi tilge alınbadı.

Respublikaşıldar kelesi aptadağı Wlttıq Kongresstiñ otırısında  Qıtay mäselesin bastı nazarğa aladı dep kütilude.

Düysenbide Tramp: "eger biz dwrıs tañdau jasamasaq, meniñ sözderimdi esiñizde saqtañız, qateleskeniñizdi tekseruge mümkindigiñiz bolmaydı, Qıtay Amerika Qwrama Ştattarın tolığımen jeñedi."

Seysenbide bwrınğı vice-prezident Bayden demokrattar jinalısında resmi türde wsınıldı jäne aldağı künderi AQŞ-tağı 2020 jılğı prezidenttik saylauğda demokrattar tarabınan bwl kandidaturanı resmi türde qabıldaydı dep kütilude.

"The Qazaq Times"