Gülnara Kärimova Özbekstanda bolıp jatqan özgeristerdi qoldaydı.

Özbekstan "eks-hanşayımı" Gülnara Kärimovanıñ wlı Islam Kärimov anasına qatıstı mälimdeme jasadı. Ol öziniñ «Instagram» paraqşasına: «Özbekstannıñ jaña ükimeti elde jaña jobalardı iske asıru jwmıstarın bastauda. Sol sebepti meniñ anam (Gülnara Kärimova – red) elde bolıp jatqan özgeristerdi qarjılay jäne fizikalıq twrğıda qoldaudı jön sanap otır» - dep jazdı.

2017 jıldıñ 28 şilde küni Özbekstan Bas prokuraturası «Gülnara Kärimovanıñ üstinen qılmıstıq is qozğalğandığı» jöninde mälimdegen. Keyinnen "eks-hanşayımdı" 2015 jıldıñ tamız ayında Taşkent qalalıq sotı 5 jılğa bas bostandığınan ayırğandığı belgili bolğan. 2018 jıldıñ qaraşa ayınıñ 3-i küni Özbekstan Bas prokuraturası Gülnara Kärimovanıñ Özbekstan türmeleriniñ birinde jazasın ötep jatqandığın mälimdegen.

"The Qazaq Times"