Nwrswltan Nazarbaev Qazaqstan men Resey qarım-qatınası jöninde mälimdeme jasadı.

Reseydiñ «Rossiya-24» telearnasına swhbat bergen Nwrswltan Nazarbaev Resey prezidenti Vladimir Putinmen aradağı jeke qarım-qatınası jöninde jäne eki memleket arasındağı baylanıs jöninde pikir bildirdi.

«Biz bolaşaqtı boljaytın payğambar emespiz. Bolaşaqta ne bolatını jaratuşığa ğana ayan. Qazaqstannıñ bolaşağın bizdiñ ortalıq aziyalıq körşilerimizden (Özbekstan, Qırğızstan, Türkimenstan, Täjikstan), Resey jäne Qıtaydan bölip qarauğa bolmaydı. Barlığı osılardıñ damuı men jağdayına baylanıstı... Vladimir Vladimiroviç Putin 2000 jılı bilik basına kelgeli beri biz jaqsı qarım-qatınastamız. Osı uaqıtqa deyin köptegen qiın swraqtardı birigip şeşip kelemiz. Olardıñ işinde Qazaqstan men Resey arasındağı 7 500 şaqırım şekaranı qayta sızu siyaqtı mäseleler bar. Esteriñizde şığar, şekara mäselesin Qıtaymen 100 jıl boyı şeşe almağan edik. Bwdan bölek biz Vladimir Vladimiroviçpen birigip Bayqoñır ğarış aylağına qatıstı swraqtardı şeştik. Bwnıñ barlığı Vladimir Vladimiroviçpen aradağı senim, jaqsı qarım-qatınastıñ arqasında jüzege asırıldı. Däl osı qarım-qatınas äli künge deyin jalğasıp keledi» - dep mälimdedi Nwrswltan Nazarbaev.

"The Qazaq Times"