نۇرسۇلتان نازارباەۆ قازاقستان مەن رەسەي قارىم-قاتىناسى جونىندە مالىمدەمە جاسادى.

رەسەيدىڭ «روسسيا-24» تەلەارناسىنا سۇحبات بەرگەن نۇرسۇلتان نازارباەۆ رەسەي پرەزيدەنتى ۆلاديمير پۋتينمەن اراداعى جەكە قارىم-قاتىناسى جونىندە جانە ەكى مەملەكەت اراسىنداعى بايلانىس جونىندە پىكىر ءبىلدىردى.

«ءبىز بولاشاقتى بولجايتىن پايعامبار ەمەسپىز. بولاشاقتا نە بولاتىنى جاراتۋشىعا عانا ايان. قازاقستاننىڭ بولاشاعىن ءبىزدىڭ ورتالىق ازيالىق كورشىلەرىمىزدەن (وزبەكستان، قىرعىزستان، تۇركىمەنستان، تاجىكستان), رەسەي جانە قىتايدان ءبولىپ قاراۋعا بولمايدى. بارلىعى وسىلاردىڭ دامۋى مەن جاعدايىنا بايلانىستى... ۆلاديمير ۆلاديميروۆيچ پۋتين 2000 جىلى بيلىك باسىنا كەلگەلى بەرى ءبىز جاقسى قارىم-قاتىناستامىز. وسى ۋاقىتقا دەيىن كوپتەگەن قيىن سۇراقتاردى بىرىگىپ شەشىپ كەلەمىز. ولاردىڭ ىشىندە قازاقستان مەن رەسەي اراسىنداعى 7 500 شاقىرىم شەكارانى قايتا سىزۋ سياقتى ماسەلەلەر بار. ەستەرىڭىزدە شىعار، شەكارا ماسەلەسىن قىتايمەن 100 جىل بويى شەشە الماعان ەدىك. بۇدان بولەك ءبىز ۆلاديمير ۆلاديميروۆيچپەن بىرىگىپ بايقوڭىر عارىش ايلاعىنا قاتىستى سۇراقتاردى شەشتىك. بۇنىڭ بارلىعى ۆلاديمير ۆلاديميروۆيچپەن اراداعى سەنىم، جاقسى قارىم-قاتىناستىڭ ارقاسىندا جۇزەگە اسىرىلدى. ءدال وسى قارىم-قاتىناس ءالى كۇنگە دەيىن جالعاسىپ كەلەدى» - دەپ مالىمدەدى نۇرسۇلتان نازارباەۆ.

"The Qazaq Times"