Foto: Tengrinews

Prezident Nwrswltan Nazarbaev: «Ejelgi Rimde wlttı emes, azamattıqtı qwrmettedi» dep mälimdedi.

Qazaqstan qarulı küşteriniñ Wlttıq äskeri-patriottıq ortalığında söz söylegen Nwrswltan Nazarbaev: «Qazaqstanda köptegen etnostar ömir süredi. Sol sebepti de biz barlığımız osı eldiñ azamattarımız. Sizder ejelgi Rimniñ tarihın jaqsı biletin şığarsızdar. Rimde adamnıñ wltın emes, azamattığın qwrmettegen. Rimniñ azamatı bolsañ boldı. Wlt jöninde eşqanday söz bolğan joq. Ärtürli wlttardıñ arasınan elşiler men imperatorlar saylandı. Sol sebepti biz – qazaqstandıqtar, qazaqpız» - dedi Nazarbaev.

Esteriñizge salayıq, osıdan birneşe jıl bwrın bilik basında jürgen atqaminerler "qazaqstandıq wlt" bastamasın kötergen. Olardıñ wsınısı boyınşa, qazaqstandaqtar qazaq nemese özbek wltı bolıp bölinbeydi. Barlığınıñ tölqwjatına "qazaqstandıq" degen söz jazıladı. Biraq sol uaqıtta "şolaq belsindilerdiñ" bwl bastamasına ziyalı qauım ökilderi, jurnalister qauımı jäne azamattıq belsendiler qarsı şığıp, "jabulı qazan, jabulı küyinde" qalğan.

"The Qazaq Times"