AQŞ Memlekettik departamentiniñ resmi ökili Hizer Noyert. Foto: usembassy.gov

Europa elderi Kerç' bwğazındağı oqiğağa baylanıstı Reseyge qarsı sankciyalardı küşeytui qajet. Bwl turalı AQŞ Memlekettik departamentiniñ resmi ökili Hizer Noyert habarladı.

Bwğan deyin Europa 2014 jılı Reseydiñ Qırımdı anneksiyalap aluına qarsı birneşe sankciyalar engizgen bolatın. Hizer Noyert öz mälimdemesinde: «AQŞ Ukrainanı qoldaydı. Biz basqa elderdiñ de osı sayasattı wstanğanın qalaymız. Wlttıq qauipsizdik strategiyamızda körsetilgendey, älem elderiniñ bir-birine qoldau bildirui mindet. Osı rette Europa elderin «Soltüstik ağın – 2» qwbırı jobasınan bas  tartuğa şaqıramız. Sebebi, bwl joba Resey müddesi men ekonomikasına kömektesedi», – dedi.

Europa Odağınıñ uaqıtşa törağa qızmetin atqaruşı, Austriya sırtqı ister ministri Karin Knaysl' jeltoqsanda ötetin sammitte odaq elderiniñ basşıları Azovta Ukrainanıñ üş äskeri kemesin ekipajımen qosa basıp alğanı üşin Reseyge salınğan sankciyalardı qatañdatu mäselesin qarastıratının mälimdedi. Bwl wsınısqa Estoniya, Pol'şa qoldau bildirse, Germaniya men Franciya qarsı şıqtı. Eki el ökilderi Ukraina men Resey arasındağı dostıq qatınasın küşeytu kerektigin jäne sankciyanıñ bwğan say kelmeytinin aytqan.

Osı aptada Kiev pen Mäskeu teketiresi BWW-nıñ Qauipsizdik keñesinde talqılanıp, AQŞ, NATO jäne EO tolığımen Ukrainanıñ aumaqtıq erkindigin qoldadı. Sonımen qatar, Europalıq Odaq elderi Reseydiñ bwl äreketin «kezekti agressorlıq piğılğa» baladı. Al Aq üy basşısı Donal'd Tramp Argentinada ötetin sammit barısında Putinmen kezdespeuim mümkin, sebebi Resey jasap otırğan agressiya wnamaydı dep mälimdedi.
Ayta keteyik, 25 qaraşa Resey Kerç' bwğazında Ukraina äskeri-teñiz küşteriniñ üş kemesin basıp alıp, oq atqan. Ukraina prezidenti Petr Poroşenko Reseydiñ bwl äreketin «basqınşılıq» dep atap, olardan Azov teñizinde wstalğan Ukraina äskeri kemeleri men teñizşilerin dereu bosatudı talap etti.

"The Qazaq Times"