Keşe, 30 mamır düysenbiniñ keşinde, Europalıq Odaq liderleri Reseyge qarsı sankciyalardıñ 6-şı paketin maqwldadı. Bwl sankciya kezeginde Resey mwnayın importtauğa auqımdı şekteuler jäne Sberbanktı SWIFT jüyesinen şığaru mäselesi qarastırılğan.

Europa Keñesiniñ törağası Şarl' Mişel' öziniñ äleumettik jelidegi paraqşasına jariyalağan pikirinde, Reseydiñ EO-ğa bağıttalatın mwnay eksportına şekteu qoyu eldiñ twtas mwnay eksportınıñ üştken eki böligine äser etetindikten, kezekti sankciya reseylik soğıs maşinasınıñ qarjılıq közderin bwğattaytının ayttı. Ol bwl şaranı: «Bwl soğıs toqtatu maqsatında Reseyge jasalğan maksimaldı qısımıl», – dep bağaladı.

Degenmen, Reseyden EO elderine teñiz arqılı jetkiziletin mwnaylarğa ğana şekteu qoyıldı, «Drujba» mwnay qwbırı arqılı jetkiziletin mwnay şekteusiz qaldırıldı. Sebebi, bwl qwbır arqılı baratın mwnayğa Vengriya sekildi EO müşeleri täueldi bolğandıqtan sankciyağa kirgizuge qarsı boldı.

Sonıñ özinde, sankciyanıñ kezekti paketin jariya etip twrıp Şarl' Mişel' qwbır arqılı jetkiziletin mwnaydı şekteusiz qaldırudıñ özi uaqıttıñ is ekenin eskertti.

EO tarabı bildirgendey, Reseydiñ iri banki Sberbank EO elderindegi SWIFT jüyesinen şığarıldı. Bwğan qosa jıl ayağına deyin Reseyden importtalatın mwnaydıñ 90 payızına şekteu kirgizudi josparlap jatır. Reseyge qarsı sankciyalarmen qatar EO tarabı Ukrainağa 9 milliard evro köleminde kömek körsetudi aqıldasıp jatır. Qazirge bwnday kölemdegi qarjını qay tarmaqtan alınıp, qalay beriletini anıq emes.

Qabıldanğan şeşimder soñğı ret tehnikalıq tekseristerden ötip barıp odaqtıñ resmi basılımına jariyalanadı. Sodan keyin ğana sankciya tolıq küşine enetin boladı.

The Qazaq Times