foto: ukrinform.ru

Büginde  GGG-diñ aldında DAZN striming qızmeti jäne ESPN telearnalarınıñ kelisimi jatqandığı belgili.

Jaqında ğana onıñ promouteri Tolm Leffler jıl soñına deyin boksşı atalğan qos kelisimşarttıñ birin tañdaydı degen edi. Däl osı swraq töñireginde amerikalıq Boxingnews24 saytınıñ jurnalisi öziniñ boljamın habarladı.

Onıñ oyınşa, «Eger Golovkin DAZN kompaniyasımen kelisimge otırsa, onda onıñ Kanelomen üşinşi jekpe-jegin ötkizu äldeqayda jeñil boladı.  Sebebi, meksikalıq sportşı atalğan kompaniyamen 5 jıldıq kelisimge otırğan. Sonday-aq, sıyaqısı 365 million dollarğa bağalanğan 11 jekpe-jekke kelisim bergen.  Al,  DAZN-nıñ Genağa qanşa qarajat wsınğandığı belgisiz. Biraq, meksikalıq boksşımen salıstırğanda birşama tömen ekendigi belgili. Sondıqtan, Golovkin mwnday wsınıstı qabıldauı eki talay.  Al, ESPN-ge keler bolsaq, onıñ Top Rank kompaniyasımen kelisimşartqa otırğandığın jaqsı bilemiz. Sondıqtan, onda WBA-nıñ orta salmaqtağı çempionı Rob Brantom jäne eks-çempion Rioto Muratomen kezdesuge mümkindigi bar» deydi.

Qazirgi tañda köptegen jwrtşılıq Golovkinniñ meksikalıq boksşımen üşinşi ret jwdırıqtasqanın qalap otır. Mwnı Gena asığa kütip jürgen sıñaylı. Sebebi, eki ret opıq jegen otandasımız onıñ ärbir äreketin nazardan tıs qaldırmauda. Al, üşinşi jekpe-jekpe keler bolsaq, bwl üşin Gena tağı bir qarsılasın jeñip barıp şaqıruına mümkindik bar. Kanelomen jwdırıqtasuğa köptegen sportşınıñ nieti bolğanımen, Genağa qarsı twrudan keybiri bastarın ala qaşuda.

"The Qazaq Times"