گولوۆكيننىڭ الدىندا ۇلكەن تاڭداۋ تۇر

بۇگىندە  GGG-ءدىڭ الدىندا DAZN ستريمينگ قىزمەتى جانە ESPN تەلەارنالارىنىڭ كەلىسىمى جاتقاندىعى بەلگىلى.

جاقىندا عانا ونىڭ پروموۋتەرى تولم لەففلەر جىل سوڭىنا دەيىن بوكسشى اتالعان قوس كەلىسىمشارتتىڭ ءبىرىن تاڭدايدى دەگەن ەدى. ءدال وسى سۇراق توڭىرەگىندە امەريكالىق Boxingnews24 سايتىنىڭ ءجۋرناليسى ءوزىنىڭ بولجامىن حابارلادى.

ونىڭ ويىنشا، «ەگەر گولوۆكين DAZN كومپانياسىمەن كەلىسىمگە وتىرسا، وندا ونىڭ كانەلومەن ءۇشىنشى جەكپە-جەگىن وتكىزۋ الدەقايدا جەڭىل بولادى.  سەبەبى، مەكسيكالىق سپورتشى اتالعان كومپانيامەن 5 جىلدىق كەلىسىمگە وتىرعان. سونداي-اق، سىياقىسى 365 ميلليون دوللارعا باعالانعان 11 جەكپە-جەككە كەلىسىم بەرگەن.  ال،  DAZN-نىڭ گەناعا قانشا قاراجات ۇسىنعاندىعى بەلگىسىز. بىراق، مەكسيكالىق بوكسشىمەن سالىستىرعاندا ءبىرشاما تومەن ەكەندىگى بەلگىلى. سوندىقتان، گولوۆكين مۇنداي ۇسىنىستى قابىلداۋى ەكى تالاي.  ال، ESPN-گە كەلەر بولساق، ونىڭ Top Rank كومپانياسىمەن كەلىسىمشارتقا وتىرعاندىعىن جاقسى بىلەمىز. سوندىقتان، وندا WBA-نىڭ ورتا سالماقتاعى چەمپيونى روب برانتوم جانە ەكس-چەمپيون ريوتو مۋراتومەن كەزدەسۋگە مۇمكىندىگى بار» دەيدى.

قازىرگى تاڭدا كوپتەگەن جۇرتشىلىق گولوۆكيننىڭ مەكسيكالىق بوكسشىمەن ءۇشىنشى رەت جۇدىرىقتاسقانىن قالاپ وتىر. مۇنى گەنا اسىعا كۇتىپ جۇرگەن سىڭايلى. سەبەبى، ەكى رەت وپىق جەگەن وتانداسىمىز ونىڭ ءاربىر ارەكەتىن نازاردان تىس قالدىرماۋدا. ال، ءۇشىنشى جەكپە-جەكپە كەلەر بولساق، بۇل ءۇشىن گەنا تاعى ءبىر قارسىلاسىن جەڭىپ بارىپ شاقىرۋىنا مۇمكىندىك بار. كانەلومەن جۇدىرىقتاسۋعا كوپتەگەن سپورتشىنىڭ نيەتى بولعانىمەن، گەناعا قارسى تۇرۋدان كەيبىرى باستارىن الا قاشۋدا.

"The Qazaq Times"