Russian President Vladimir Putin and Kazakh President Nursultan Nazarbayev; Photo: politobzor.net

Mäskeudiñ «Ukraina Resey Federaciyasınıñ şekara zañın bwzdı» degen şeşimine Qazaqstan, Qıtay jäne Boliviya elderi qoldau körsetti. Bwl turalı BBC habarladı.

Keşe ötken jiında BWW Qauipsizdik keñesiniñ müşeleri Mäskeu wsınğan «Ukrainanıñ Resey şekarasın bwzuı boyınşa» otırıstıñ kün tärtibin mülde qabıldağan joq. AQŞ pen Wlıbritaniyanı qosa alğanda jeti el Reseyge qarsı dauıs bergen. Al Qıtay, Qazaqstan jäne Boliviya Reseydi jaqtasa, tört el qalıs qaldı. Keñes otırısında söz söylegen AQŞ, Wlıbritaniya, Franciya, Pol'şa jäne Şveciya ökilderi Reseydi qatañ sınğa aldı.

Wyım müşeleriniñ kezdesuinde NATO jäne EO elderi Ukrainanıñ aumaqtıq twtastığına qoldau bildirip, Reseyden teñizdegi kemelerdiñ erkin qozğalısın qayta qalpına keltirudi talap etti. Endi Bryussel'de Kerç' bwğazında bolğan oqiğağa baylanıstı Europalıq Odaqtıñ Sayasat jäne qauipsizdik komitetiniñ otırısı ötedi.

Eske sala keteyik, 25 qaraşada Odessadan Mariupol'ge qaray bağıt alğan ukrainalıq üş äskeri kemege Resey sarbazdarı oq jaudırıp, basıp alğan. Osı jağdaydan soñ Ukrainada bir ayğa äskeri jağday engizildi. 

"The Qazaq Times"