ماسكەۋدىڭ «ۋكراينا رەسەي فەدەراتسياسىنىڭ شەكارا زاڭىن بۇزدى» دەگەن شەشىمىنە قازاقستان، قىتاي جانە بوليۆيا ەلدەرى قولداۋ كورسەتتى. بۇل تۋرالى BBC حابارلادى.

كەشە وتكەن جيىندا بۇۇ قاۋىپسىزدىك كەڭەسىنىڭ مۇشەلەرى ماسكەۋ ۇسىنعان «ۋكراينانىڭ رەسەي شەكاراسىن بۇزۋى بويىنشا» وتىرىستىڭ كۇن ءتارتىبىن مۇلدە قابىلداعان جوق. اقش پەن ۇلىبريتانيانى قوسا العاندا جەتى ەل رەسەيگە قارسى داۋىس بەرگەن. ال قىتاي، قازاقستان جانە بوليۆيا رەسەيدى جاقتاسا، ءتورت ەل قالىس قالدى. كەڭەس وتىرىسىندا ءسوز سويلەگەن اقش، ۇلىبريتانيا، فرانتسيا، پولشا جانە شۆەتسيا وكىلدەرى رەسەيدى قاتاڭ سىنعا الدى.

ۇيىم مۇشەلەرىنىڭ كەزدەسۋىندە ناتو جانە ەو ەلدەرى ۋكراينانىڭ اۋماقتىق تۇتاستىعىنا قولداۋ ءبىلدىرىپ، رەسەيدەن تەڭىزدەگى كەمەلەردىڭ ەركىن قوزعالىسىن قايتا قالپىنا كەلتىرۋدى تالاپ ەتتى. ەندى بريۋسسەلدە كەرچ بۇعازىندا بولعان وقيعاعا بايلانىستى ەۋروپالىق وداقتىڭ ساياسات جانە قاۋىپسىزدىك كوميتەتىنىڭ وتىرىسى وتەدى.

ەسكە سالا كەتەيىك، 25 قاراشادا ودەسسادان ماريۋپولگە قاراي باعىت العان ۋكراينالىق ءۇش اسكەري كەمەگە رەسەي ساربازدارى وق جاۋدىرىپ، باسىپ العان. وسى جاعدايدان سوڭ ۋكراينادا ءبىر ايعا اسكەري جاعداي ەنگىزىلدى. 

"The Qazaq Times"