Foto: gdb.rferl.org

«Maşa men ayu» mul'tserialınıñ bastı maqsatı – putindik közqarastı däripteu. Bwl turalı «Times» basılımı jazdı.

«Times» öz materialında Tallin universitetindegi kommunikaciya institutınıñ oqıtuşısı Prit Hıbemyagannıñ Helsingin Sanomat fin gazetindegi swhbatın nazarğa alğan. Materialda mul'tfil'mdegi negizgi keyipker ayu imperiyalıq Reseydi beyneleydi, al Maşa – prezident Putinniñ sayasattağı qılıqtarın aydan anıq körsetedi jäne bwl keyipkerdiñ bastı maqsatı – balalarğa osı eldiñ beynesin jaqsı jağınan däripteu, äri reseylik közqarastı siñiru delingen. Sonday-aq, oqıtuşı Hıbemyagi atalğan mul'tserial Estoniyanıñ wlttıq qauipsizdigine qauip töndiretin önimniñ qatarında dep sanaydı. Atalğan maqaladan bölek, britaniyalıq özge basılımdar «Maşa men ayu» mul'tserialı putindik közqarastan özge, reseylik jasırın nasihatqa qwralğan deydi.

Britandıq basılımda jarıq körgen maqala. Foto: www.bbc.com

Resey memlekettik basılımdarı batıstıq BAQ-tardıñ bwl mälimdemesin «patologiyalıq rusofobiyağa» baladı. Britaniyadağı Resey elşiligi osı maqalağa qatıstı Tvitterdegi jazbasında: «Bügin Times gazeti mañızdı mäseleni köterdi: Britaniya «Maşi men ayudan» qalay saqtana aladı? Baltıq jağalauı elderinde suret salu boyınşa jeke oqu ortalığın aşu kerek pe? Bälkim, barlıq mul'tiplikatorlardı EO sankciyalıq tizimine qosu kerek şığar!?», – dep mısqıl türinde jauap qaytardı. Al ağılşın tildi sarapşılarınıñ biri Mark Galeotti: «Maşa men ayu» sizdiñ eliñizdi basıp almaydı. Mwnday oylar Reseyge qarsı gibridtik soğıstıñ sipatı ispetti»,– deydi.

Atalğan mul'tserialdıñ avtorı, «Animakkord» studiyasınıñ basşısı Dmitriy Loveyko eşqanday sayasi astardıñ bolmağanına sendirdi.

Mul'tserial keyipkerleri köptegen elderde tanımal. Surette: Mehiko mädeni ortalığındağı «Maşa men ayu» spektaklinen körinis. Foto: www.bbc.com

Qatañ sınğa ilikken özge de mul'tfil'mder:  

  • 1936 jılı Germaniyada Disneylendtiñ simvolı «Mikki Maus» mul'tserialın körsetuge, nasihattauğa qatañ tıyım salındı. Sebebi, Gitler Uolt Disneydi «aylaker evrey jäne degenerativti önerdi qwruşı» dep eseptegen. Sonımen qatar, bastı keyipker prus oficeriniñ formasın kiip, amerikalıq nasihat qwralı retinde sanaldı.
  • 2010 jılı «Oñtüstik park» attı satiralıq amerikandıq mul'tfil'm seriyasınıñ birinde, jargon leksika men öreskel äzilder qoldanılğan. Al «Tom men Djerri» etnostıq jäne näsildik böludi jüzege asıruşı retinde sınğa alınğan. Mul'tfil'mniñ keybir keyipkerleri temeki şekkeni üşin mul'tiplikatorlarğa ayıppwl salındı.
  • 2017 jılı amerikandıq «Mayyanıñ bastan keşken oqiğaları» animaciyalıq serialındağı epizodtarınıñ birinde ädepsiz beyne anıqtalıp, körermender tarapınan şağım tüsirilgen.
  • Tanımal «Simpsondar» mul'tserialı şeteldiñ tükpir-tükpirinde ärtürli pikir qalıptastırğan. Mäselen, Resey Memlekettik Dumasınıñ deputattarı atalğan mul'tserial zorlıq-zombılıq pen agressiyanıñ körinisterine tolı, balalar men ata-analar arasındağı antagonizmdi däripteytinin aytqan. Al AQŞ-tıñ bwrınğı birinşi hanımı Barbara Buş öz swhbatında: «Simpsondar» – öte naşar tuındı» – degen.

Foto: www.bbc.com

«Maşa men ayu» mul'tserialı Reseyden tıs jerlerde joğarı tanımaldılıqqa ie bolğan. YouTube-tiñ ağılşın tilindegi arnasında 4 mln-nan astam körermeni bar. Jalpı alğanda, barlıq seriyalarında 40 mlrd-tan astam körinis bar. Az uaqıt işinde joğarı swranısqa ie mul'tfil'm tanımal Netflix onlayn kinoteatrında da körsetiledi. Endi joğarıda atalğan mul'tserialdardıñ qatarına reseylik «Maşa men ayu» da qosıldı. «Times» basılımı jazğanday, «Putindik propagandamen aynalısatın» mul'tfil'm özge memleketter telearnasınan alınıp tastalınuı mümkin.

"The Qazaq Times"