Qazaqstan Ilon Masktıñ zımırandarımen eki birdey jer serigin ğarışqa wşırmaq.

Astana qalasında ötken «Digital Bridge» inovaciyalıq forumında QR Qorğanıs jäne aeroğarış salasınıñ vice-ministri Marat Nwrğojin jaqın uaqıtta Qazaqstan öziniñ eki birdey jer serigin Ilon Masktıñ «SpaceX» kompaniyasına tiesili «Falcon 9» zımıranımen ğarışqa wşırudı josparlap otır. Wşırılım 19 qaraşa küni AQŞ-tıñ Kaliforniya ştatında jüzege asırıluı tiis.

Bwdan bölek Nwrğojin forumğa jinalğan qauımmen Qazaqstan injenerleriniñ ğarış salasında atqarıp jatqan jwmıstarımen qısqaşa tanıstırdı.

«Bizdiñ instituttar jer betinde ğarış tehnologiyaların paydalanuğa arnalğan birqatar qwrılğılar qwrastırdı. Bwl sputniktik baylanıs pen navigaciya siyaqtı qwrılğılar. Ayta ketetin bir jayt, biz biıl salmağı 6 tonnalıq ğarış apparattarın qwrastırıp, sınaqtan ötkizetin komplekstıñ qwrılısın ayaqtaymız. Bıltırğı jılı biz arnayı tehnologiyalıq-qwrastıru byurosın iske qosqanbız» - dedi Nwrğojin.

Bwğan deyin BAQ betterinde jaqın uaqıtta Qazaqstannıñ ğarışqa eki birdey jer serigin wşıratındığı jöninde aqparat tarağan. Onıñ biri jerdi qaşıqtıqtan baqılaytın mikrosputnik bolsa, ekinşisi jer şarınıñ inosferasın zertteuge arnalğan jer serigi.

"The Qazaq Times"