قازاقستان يلون ماسكتىڭ زىمىراندارىمەن ەكى بىردەي جەر سەرىگىن عارىشقا ۇشىرماق.
استانا قالاسىندا وتكەن «Digital Bridge» ينوۆاتسيالىق فورۋمىندا قر قورعانىس جانە اەروعارىش سالاسىنىڭ ۆيتسە-ءمينيسترى مارات نۇرعوجين جاقىن ۋاقىتتا قازاقستان ءوزىنىڭ ەكى بىردەي جەر سەرىگىن يلون ماسكتىڭ «SpaceX» كومپانياسىنا تيەسىلى «Falcon 9» زىمىرانىمەن عارىشقا ۇشىرۋدى جوسپارلاپ وتىر. ۇشىرىلىم 19 قاراشا كۇنى اقش-تىڭ كاليفورنيا شتاتىندا جۇزەگە اسىرىلۋى ءتيىس.
بۇدان بولەك نۇرعوجين فورۋمعا جينالعان قاۋىممەن قازاقستان ينجەنەرلەرىنىڭ عارىش سالاسىندا اتقارىپ جاتقان جۇمىستارىمەن قىسقاشا تانىستىردى.
«ءبىزدىڭ ينستيتۋتتار جەر بەتىندە عارىش تەحنولوگيالارىن پايدالانۋعا ارنالعان بىرقاتار قۇرىلعىلار قۇراستىردى. بۇل سپۋتنيكتىك بايلانىس پەن ناۆيگاتسيا سياقتى قۇرىلعىلار. ايتا كەتەتىن ءبىر جايت، ءبىز بيىل سالماعى 6 توننالىق عارىش اپپاراتتارىن قۇراستىرىپ، سىناقتان وتكىزەتىن كومپلەكستىڭ قۇرىلىسىن اياقتايمىز. بىلتىرعى جىلى ءبىز ارنايى تەحنولوگيالىق-قۇراستىرۋ بيۋروسىن ىسكە قوسقانبىز» - دەدى نۇرعوجين.
بۇعان دەيىن باق بەتتەرىندە جاقىن ۋاقىتتا قازاقستاننىڭ عارىشقا ەكى بىردەي جەر سەرىگىن ۇشىراتىندىعى جونىندە اقپارات تاراعان. ونىڭ ءبىرى جەردى قاشىقتىقتان باقىلايتىن ميكروسپۋتنيك بولسا، ەكىنشىسى جەر شارىنىڭ ينوسفەراسىن زەرتتەۋگە ارنالعان جەر سەرىگى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى
وزبەكستان پرەزيدەنتى جەلتوقساندا قىرعىزستانعا بارادى