Mäskeu men Peterburgte ötken sayasi twtqındardı qorğau akciyası kezinde 60-qa juıq adam wstaldı.

Akciya «Bizdiñ jäne sizdiñ balalarıñız üşin» degen wranmen ötken. Onı «Novoe veliçiya» jäne «Seti» isteri boyınşa wstalğandardıñ ata-anaları wyımdastırğan. «OVD Info» saytınıñ habarlauınşa, Mäskeude Federaldı qauipsizdik qızmeti ğimaratı aldına 500 adam jinalğan. Qala biligi miting ötkizuge rwqsat bermegen. Sol üşin bastamaşıl top Lubyansk alañı aldına plakatsız şığudı wsınğan. Akciyağa «SERB» wyımınıñ müşeleri kelip, kedergi keltirgen. Mäskeude 18 adam wstalğan.

Sankt-Peterburgte de bilik miting ötkizuge rwqsat bermegen. Jergilikti BAQ ökilderiniñ mälimetinşe, policiya 40 adamdı wstağan. Onıñ işinde 12 jastağı qızda bar.

Novosibirskide jeksenbi küni jalğız adamdıq piketter ötken. "Sibir'.Realii" saytınıñ "Seti" isi boyınşa wstalğan Arman Sağınbaevtıñ anası jalğız piketke şıqqan. Policiya onı wstamağan.

«Novoe veliçiya» jäne «Seti» isteriniñ figuranttarın qorğağan miting Penza şaharında da ötken. Wyımdastıruşılardıñ aqparatına qarağanda, akciya barısında eşkim wstalmağan. Osınday piketter Voronej, Irkutsk jäne Nijniy Novgorod qalalarında da ötken. Hel'sinkide belsendiler Resey elşiligi aldında piketke şıqqan.

"The Qazaq Times"