Özbekstan ekonomikalıq täuelsizdiginen ayırıluı mümkin

Özbekstan ekonomikalıq täuelsizdiginen ayırıluı mümkin.

Resey prezidenti Vladimir Putinniñ qazan ayınıñ 18-19 künderi aralığında Taşkentke jasağan saparınan keyin BAQ ökilderi Özbek-Resey qarım-qatınasın jarısa jazuda. Biri Putinniñ bwl jolğı saparın «tarihi sätke» balasa, endi biri bwl saparğa «Özbekstan ekonomikası özgeniñ qolına ötude» degen bağa berude.

Vladimir Putinniñ Taşkentke saparı Şavkat Mirzieevtıñ onı asa joğarı qwrmetpen äuejaydan kütip aluımen bastaldı. Jwrttıñ barlığı özbek basşısınıñ Putinniñ «ayağın jerge tigizbey» qarsı alğanın talqıladı, jazdı, sızdı, ayttı. Bwl künniñ emes aptanıñ bastı jañalığı boldı. Keyinnen özbekstandıq BAQ qos taraptıñ kezdesu barısında qwnı 27 milliard dollardı qwraytın 800-ge juıq qwjatqa qol qoyğandığın jariyaladı. Mäseleniñ barlığı osı jerde bastaldı.

Özbekstandıq jornalşılardıñ jazuınşa, Taşkenttegi bas qosuda Putin men Mirzieev auılşaruaşılığınan bastap, ğarışqa deyin, qarapayım stanoktardan äskeri tehnikalarğa deyingi aralıqtağı kelisim qwjattarınıñ barlığına qol qoydı. Joğarıda aytqanımızday kelisimderdiñ jalpı qwnı 27 milliard dollardı qwradı. Onıñ işinde 27,1 mlrd dollar aymaq aralıq, 1,76 milliard dollar sauda-sattıq, 25,3 milliard dollar investiciyalıq kelisim qwjattarı bar.

Halıqaralıq sarapşılar pikrinşe, eger Özbekstan biligi däl osı bağıtta Reseymen birlesip jwmıs istey beretin bolsa, onda aldağı bes-on jılda öziniñ ekonomikalıq täuelsizdiginen ayırıluı mümkin. Sebebi Resey Batıs elderimen bolıp jatqan sauda soğısınan keyin öziniñ TMD aumağındağı ıqpalın odan arı arttıruğa kirisken. Bwğan Vladimir Putinniñ Taşkent saparı aldında Soçi qalasında ötken «Valday» pikirtalas klubınıñ otırısında söylegen mına bir sözi dälel: «Qazir Mäskeu üşin batıstan qarağanda şığıs mañızdıraq. Soñğı uaqıtta älemde bolıp jatqan geosayasi jağdaylardan keyin Reseydiñ Ortalıq Aziyağa qaytıp oraluı qalıptı dünie».

Putinniñ bwl mälimdemesinen keyin aldağı uaqıtta Reseydiñ qay bağıtta jwmıs isteytinin añğaru qiın emes. Negizinde birqatar halıqaralıq sarapşılar tobı Reseydiñ TMD aumağında Keñester odağı twsında bolğan kölik, temir jol, sauda-ekonomikalıq, äskeri-tehnikalıq baylanıstardı qayta qalpına keltiruge qadamdar jasap jatqanın bwğan deyin de aytqan. Bwl taqırıp osıdan birneşe jıl bwrın Qazaqstan, Qırğızstan, Belarus' jäne Resey Euraziyalıq ekonomikalıq odaq qwrğan twsta da qızu talqılanğan. Biraq qanşa talqılansa da «jabulı qazan jabulı küyinde qalğan».

"The Qazaq Times"