Foto: eurasia.expert

Prezidenttiñ Qazaqstan halqına Joldauın jüzege asıruğa 1,8 trillion teñge qarastırılğan. Bwl turalı Qarjı ministri Älihan Smayılov habarladı.

Ükimette ötken baspasöz mäslihatında Smayılov: «Üş jıldıq kezeñde memleket basşısınıñ Joldauın jüzege asıru üşin 1,8 trillion teñge, onıñ işinde Ükimet tarapınan 1,28 trillion teñge qarastırıldı. Respublikalıq byudjetten kelesi üş jıl işinde 966 milliard teñge bölinedi. Qosımşa şaralar qabıldaudı eskere otırıp, el boyınşa ortaşa jalaqı barlıq salada 9,1 payızğa ösedi. Halıq tabısınıñ artuı, yağni inflyaciyanı şegergende, jıl işinde 4,6 payızdı qwraydı», – dep sendirdi. Ministrdiñ aytuınşa, eñ tömengi jalaqı mölşerin arttıruğa üş jılğa 288 milliard teñge bölinedi, onıñ 85,8 milliard teñge qızmetkerlerdiñ jalaqısın arttıruğa arnalğan.

"The Qazaq Times"