جولداۋدىڭ قۇنى – 1,8 تريلليون تەڭگە

پرەزيدەنتتىڭ قازاقستان حالقىنا جولداۋىن جۇزەگە اسىرۋعا 1,8 تريلليون تەڭگە قاراستىرىلعان. بۇل تۋرالى قارجى ءمينيسترى ءاليحان سمايىلوۆ حابارلادى.

ۇكىمەتتە وتكەن ءباسپاسوز ءماسليحاتىندا سمايىلوۆ: «ءۇش جىلدىق كەزەڭدە مەملەكەت باسشىسىنىڭ جولداۋىن جۇزەگە اسىرۋ ءۇشىن 1,8 تريلليون تەڭگە، ونىڭ ىشىندە ۇكىمەت تاراپىنان 1,28 تريلليون تەڭگە قاراستىرىلدى. رەسپۋبليكالىق بيۋدجەتتەن كەلەسى ءۇش جىل ىشىندە 966 ميلليارد تەڭگە بولىنەدى. قوسىمشا شارالار قابىلداۋدى ەسكەرە وتىرىپ، ەل بويىنشا ورتاشا جالاقى بارلىق سالادا 9,1 پايىزعا وسەدى. حالىق تابىسىنىڭ ارتۋى، ياعني ينفلياتسيانى شەگەرگەندە، جىل ىشىندە 4,6 پايىزدى قۇرايدى»، – دەپ سەندىردى. ءمينيستردىڭ ايتۋىنشا، ەڭ تومەنگى جالاقى مولشەرىن ارتتىرۋعا ءۇش جىلعا 288 ميلليارد تەڭگە بولىنەدى، ونىڭ 85,8 ميلليارد تەڭگە قىزمەتكەرلەردىڭ جالاقىسىن ارتتىرۋعا ارنالعان.

"The Qazaq Times"