Foto: Ria.ru

Dubaydağı World Government Summit  forumı ayasında «Wşatın avtokölikter» jobası körsetilgen bolatın. Jospar boyınşa, 2017 jıldıñ şilde ayında öz qızmetin bastaydı, dep Emirat qalasınıñ kölik jäne jol basqarmasınıñ basşısı Matar al'-Taerdıñ sözine silteme jasap ria.ru habarlaydı.

«Jürgizuşisiz transport jalpı şığındı 22 milliard dihramğa (6 milliard dollarğa) azaytadı. Sonday-aq, odan bölinetin ziyandı zattar men   jol kölik apattarın de azaytadı. Biz ayqın zañdarı men erejeleri bar avtonomdı trasnport üşin keşendi strategiyalar jasaymız », – deydi  al'-Taer. Onıñ aytuınşa, 2030 jılğa qaray Dubay avtonomdı kölik qwraldarı  salasındağı «Pioner» el boladı.

Dubaydıñ jol-kölik basqarması (RTA) Ehang atalatın,  qıtalıq kompaniya jasap şığarğan, «avtonomdı wşatın apparat» (AAV) narıqqa  wsınadı. Innovaciyalıq jäne ekologiyalıq transport sanalatın bwl apparat jolauşılardı  belgili bir qısqa ara-qaşıqtıqqa jıldam jetkizedi.

Jolauşılar  arnayı ornatılğan navigatorıq jüye men sensorlı ekrannıñ kömegimen baratın jerin belgileydi. Wşatın kölikti jasauşılardıñ aytuınşa,  wşu birqalıptı deñgeyde jäne meylinşe qauipsiz boladı.

Maşina elektrdiñ kömegimen jwmıs isteydi, al  «qanattarı»  jinalıp twradı (wşpağan kezinde). Köliktiñ jürgizuşisi bolmaydı, onı tipti äuesqoylar da wşu-qonu tetikterin basıp, basqaru mümkindigine ie. Aua-rayınıñ qolaysız jağdayında, bwl kölikter  jalpı komandalıq ortalıqtıñ baqılauında boladı.

«The Qazaq Times»