دۋبايداعى World Government Summit فورۋمى اياسىندا «ۇشاتىن اۆتوكولىكتەر» جوباسى كورسەتىلگەن بولاتىن. جوسپار بويىنشا، 2017 جىلدىڭ شىلدە ايىندا ءوز قىزمەتىن باستايدى، دەپ ەميرات قالاسىنىڭ كولىك جانە جول باسقارماسىنىڭ باسشىسى ماتار ال-تاەردىڭ سوزىنە سىلتەمە جاساپ ria.ru حابارلايدى.
«جۇرگىزۋشىسىز ترانسپورت جالپى شىعىندى 22 ميلليارد ديحرامعا (6 ميلليارد دوللارعا) ازايتادى. سونداي-اق، ودان بولىنەتىن زياندى زاتتار مەن جول كولىك اپاتتارىن دە ازايتادى. ءبىز ايقىن زاڭدارى مەن ەرەجەلەرى بار اۆتونومدى تراسنپورت ءۇشىن كەشەندى ستراتەگيالار جاسايمىز »، – دەيدى ال-تاەر. ونىڭ ايتۋىنشا، 2030 جىلعا قاراي دۋباي اۆتونومدى كولىك قۇرالدارى سالاسىنداعى «پيونەر» ەل بولادى.
دۋبايدىڭ جول-كولىك باسقارماسى (RTA) Ehang اتالاتىن، قىتالىق كومپانيا جاساپ شىعارعان، «اۆتونومدى ۇشاتىن اپپارات» (AAV) نارىققا ۇسىنادى. يننوۆاتسيالىق جانە ەكولوگيالىق ترانسپورت سانالاتىن بۇل اپپارات جولاۋشىلاردى بەلگىلى ءبىر قىسقا ارا-قاشىقتىققا جىلدام جەتكىزەدى.
جولاۋشىلار ارنايى ورناتىلعان ناۆيگاتورىق جۇيە مەن سەنسورلى ەكراننىڭ كومەگىمەن باراتىن جەرىن بەلگىلەيدى. ۇشاتىن كولىكتى جاساۋشىلاردىڭ ايتۋىنشا، ۇشۋ بىرقالىپتى دەڭگەيدە جانە مەيلىنشە قاۋىپسىز بولادى.
ماشينا ەلەكتردىڭ كومەگىمەن جۇمىس ىستەيدى، ال «قاناتتارى» جينالىپ تۇرادى (ۇشپاعان كەزىندە). كولىكتىڭ جۇرگىزۋشىسى بولمايدى، ونى ءتىپتى اۋەسقويلار دا ۇشۋ-قونۋ تەتىكتەرىن باسىپ، باسقارۋ مۇمكىندىگىنە يە. اۋا-رايىنىڭ قولايسىز جاعدايىندا، بۇل كولىكتەر جالپى كوماندالىق ورتالىقتىڭ باقىلاۋىندا بولادى.
«The Qazaq Times»
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
موڭعوليا استاناسىندا جاپپاي نارازىلىق شەرۋلەرى ءوتتى
دۇيسەنبى كۇنگى رەسەيدەگى ەكى بىردەي جارلىس. ەلەكتروندى سوعىستا كىم ۇتادى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى