AQŞ prezidentiniñ Wlttıq Qauipsizdik jönindegi keñesşisi Maykl Flinn qızmetinen ketuine özi ötiniş jazdı. Bwl turalı MSNBC agenttigine silteme jasap, BBC Russia habarlaydı.
Beyresmi derekter boyınşa, qızmetinen ketuine onıñ Reseymen baylanısı sebepker bolğandığı aytılğan. Maykldıñ ötiniş jazğandığın Aq üy (White House) BAQ qwraldarına mälimdegen bolatın. Eks-keñesşi Resey elşisi Seyrgey Kislyakpen Uaşingtondağı baylanısı turalı tolıq emes aqparattı jariyalağanın moyındap, Donald Tramptan keşirim swradı. Ötken aptada Washington Post Flinniñ Kislyakpen (Reseydiñ AQŞ-tağı elşisi) 2016 jıldıñ jeloqsan ayında antireseylik sankciyalar turalı söz qozğağandığı jariyalanğan.
Keyinnen Resey prezidentiniñ baspasöz hatşısı Dmitriy Peskov Resey men AQŞ arasında sankciyalardı toqtatu jöninde eşqanday kelissözderdiñ bolmağanın jetkizdi.
Endi AQŞ prezidentiniñ Wlttıq Qauipsizdik jönindegi keñesşisi qızmetine Jozef Kit Kellog keledi. Osığan deyin ol AQŞ-tıñ Wlttıq Qauipsizdik keñesiniñ basşısı qızmetin atqarğan.
«The Qazaq Times»
Kiberşabuılğa wşırağan BAQ ökilderi qwqıq qorğau organdarına arız tüsirdi
Ortalıq Aziya: tarihi, sayasi jäne ekonomikalıq müddeler ayasında
Qırğızstanda täuelsiz Kloop basılımınıñ qırğız tilindegi saytı bwğattaldı
Reseydiñ Doneck oblısı Konstantinovka qalasındağı bazarğa şabuılınan 16 adam qaza taptı
Sadır Japarov Istıqköldegi tört pansionattı Özbekstanğa beru sebebin tüsindirdi
Pigojinniñ «Vagner» tobı Mäskeu tübine kelip şeginip ketti