اقش پرەزيدەنتىءنىڭ ۇلتتىق قاۋىپسىزدىك جونىندەگى كەڭەسشىسى مايكل فلينن قىزمەتىنەن كەتۋىنە ءوزى ءوتىنىش جازدى. بۇل تۋرالى MSNBC اگەنتتىگىنە سىلتەمە جاساپ، BBC Russia حابارلايدى.
بەيرەسمي دەرەكتەر بويىنشا، قىزمەتىنەن كەتۋىنە ونىڭ رەسەيمەن بايلانىسى سەبەپكەر بولعاندىعى ايتىلعان. مايكلدىڭ وتىنىش جازعاندىعىن اق ءۇي (White House) باق قۇرالدارىنا مالىمدەگەن بولاتىن. ەكس-كەڭەسشى رەسەي ەلشىسى سەيرگەي كيسلياكپەن ۋاشينگتونداعى بايلانىسى تۋرالى تولىق ەمەس اقپاراتتى جاريالاعانىن مويىنداپ، دونالد ترامپتان كەشىرىم سۇرادى. وتكەن اپتادا Washington Post ءفليننىڭ كيسلياكپەن (رەسەيدىڭ اقش-تاعى ەلشىسى) 2016 جىلدىڭ جەلوقسان ايىندا انتيرەسەيلىك سانكتسيالار تۋرالى ءسوز قوزعاعاندىعى جاريالانعان.
كەيىننەن رەسەي پرەزيدەنتىنىڭ ءباسپاسوز حاتشىسى دميتري پەسكوۆ رەسەي مەن اقش اراسىندا سانكتسيالاردى توقتاتۋ جونىندە ەشقانداي كەلىسسوزدەردىڭ بولماعانىن جەتكىزدى.
ەندى اقش پرەزيدەنتىنىڭ ۇلتتىق قاۋىپسىزدىك جونىندەگى كەڭەسشىسى قىزمەتىنە جوزەف كيت كەللوگ كەلەدى. وسىعان دەيىن ول اقش-تىڭ ۇلتتىق قاۋىپسىزدىك كەڭەسىنىڭ باسشىسى قىزمەتىن اتقارعان.
«The Qazaq Times»
رەسپۋبليكاشىلدار يمميگراتسيالىق وپەراتسيانى سىنعا الدى، بىراق ترامپتى اشىق ايىپتاۋدان تارتىندى
يراننىڭ رۋحاني كوسەمى: سوڭعى نارازىلىقتار كەزىندە مىڭداعان ادام قازا تاپتى
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
وقپەن باسىلعان قاڭتار: يراندا بيلىك حالىقتى قارۋمەن باسىپ جاتىر
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
ۆەنەسۋەلاداعى اسكەري وپەراتسيا: ترامپتىڭ مالىمدەمەسى جانە ايماقتىق تۇراقسىزدىق تاۋەكەلى