Qazaqstandıq jurnalist, Janar Ahmet.

Ukraina Joğarğı sotı Memlekettik migraciyalıq qızmetke Qazaqstannan qaşıp barğan jurnalist Janar Ahmetke sayasi baspana berudi mindettedi. Sot şeşimi jöninde halıq deputatı Svetlana Zalişuk mälimdedi. Osığan deyin prokuratura Ahmetti eline ekstradiciyalaudı talap etken.

"Ol Ukrainada qaladı. Bwl degeniñiz özgeşe oylaytın äri jazatın jurnalisti otanında türmege otırğızadı", – dep jazadı Zalişuk.

Janar Ahmet Kievte 2017 jıldıñ 21 qazanında  Qazaqstan biliginiñ Interpoldan swrauı boyınşa wstalğan. Jurnalist elde alayaqtıq jasadı dep ayıptalğan. Ol osı uaqıtqa deyin sot şeşimin kütip, tergeu abaqtısında otırğan.

Ahmet Ukrainağa 2017 jıldıñ kökteminde barğan. Ol özin Ukrainada sayasi közqarası üşin quğındalıp jatırmın dep esepteydi. Janar Ahmet oppoziciyalıq "Tribuna" gazetinde bloger retinde maqala jazıp twrğan. Ukrainağa keter aldında, oğan qarsı birneşe is qozğalğan.

Ukrainada jäne Qazaqstanda köptegen jurnalister men belsendiler Janar Ahmetke qarsı istiñ sayasi astarı bar dep esepteydi.

"The Qazaq Times"