Foto: ytimg.com

Reseyde zeynetkerlik jasın wlğaytu turalı zañ öz küşine endi. El işinde biraz uaqıt dau tuğızğan jaña reforma ekinşi oqılımda qabıldanğan. 

Eñbek ötili boyınşa äyelderge 37, erlerge 45 jastan zeynetke şığu qarastırılsa da, jaña zañğa säykes endi äyelderdiñ zeynetke şığu jası 60, al erlerdiki 65 jasqa wlğayadı. Atalğan reforma policiya men äskerilerge, arnayı qızmet ökilderine de ortaq.

Osığan deyin Putin halıqqa joldağan ündeuinde memlekettegi inflyaciya men jwmıssızdıqtıñ beleñ aluına qatıstı jaña zañnıñ tolıq küşine enbegenin, biraq zeynetaqı reformasın keyinge qaldırğan jağdayda tölemderdi indeksaciyalauğa mümkindik bolmaytının aytqan bolatın. Pikir qayşılığına äkep soqqan reformadan soñ, jergilikti twrğındar jappay ereuilge şıqqan. Halıq narazılığınan keyin Putinge degen senim azaysa da, zañ bäribir jüzege astı.

Eske sala keteyik, 2013 jılı Qazaqstanda da äyelderdiñ zeynet jasın 63-ke deyin wzartu wsınıldı. Sol kezdegi eñbek jäne äleumetti qorğau ministri lauazımın atqarğan Serik Äbdenov «Nelikten äyelder 63 jasta zeynetke şığuı tiis?» degen saualğa müdirip-kidirip: «Potomu çto, potomu çto»-dan artıq jauap bere alğan joq. Jospardıñ naqtı sebebein jete tüsindire almağan eks-ministr otstavkağa ketse de, özi wsınğan zañ jobasın «sıyğa tartıp ketti». YAğni 2018 jıldıñ 1 qañtarınan bastap äyelderdiñ zeynet jası 2027 jılğa deyin jılına 6 aydan wlğayadı. Eger esepter bolsaq, 2027 jılı zeynet jası 63-ke jetedi. Demek, bes jıl bwrın oyğa oralğan «tıñ joba» aqırındap orındalıp keledi degen söz.

"The Qazaq Times"