Foto: Sputnik Äzirbaydjan.

Almatı älem boyışa eñ qauipti qalalardıñ qatarında.

Numbeo halıqaralıq ortalığı ömir süruge qauipti eldi mekenderdiñ reytingin jariyaladı. 2018 jıldıñ qorıtındısına säykes, reytingke älemniñ 327 qalası engen. Qauipti şaharlardıñ tizimin San-Pedro-Sula (Gonduras), Karakas (Venesuela) jäne Port-Morsbi (Papua-Jaña Gvineya) bastap twr.

Qazaqstannan atalmış reytingke Oñtüstik Astanamızda engen. Almatı qalası qauipti qalalar tiziminde 112 orında.
Esteriñizge salayıq, tamız ayınıñ 19-ı küni Almatı qalasınıñ ortalıq köşeleriniñ birinde tanımal mänerdep sırğanauşı Denis Tenge qaraqşılıq şabuıl jasalıp, älemge tanımal sportşı pışaq jaraqatınan köz jwmğan. Osıdan keyin Almatı qalasınıñ İİD men QR İİM qoğam tarapınan ülken sınğa qalğan. Azamattıq belsendiler men jurnalister işki ister ministri Qalmwhanbet Qasımovtıñ otstavkağa ketuin jäne İİM tübegeyli reformalaudı talap etken. Biraq Qasımov mırzanıñ özi halıqtıñ bwl talabına: «Ükimet pen prezident qalay şeşedi, biz soğan könemiz» dep jauap bergen.

"The Qazaq Times"