AQŞ prezidenti Donal'd Trampqa arnalğan «Qorqınış» attı jaña kitap jarıq kördi.

Qırküyek ayınıñ 11-i küni jurnalist, Bob Vudvordtıñ Aq üy basşısı Donal'd Trampqa arnalğan «Qorqınış» kitabınıñ twsau keseri ötedi dep kütilude. Kitaptıñ «Qorqınış» dep ataluına Tramptıñ Vudvordpen bolğan swhbatında aytqan «Şınayı bilik bwl - qorqınış» degen sözi sebep bolğan. Vudvord kitabında Aq üy äkimşiligin «jındıhanağa» teñep, Tarmptıñ özin «älemdik sayasattan habarı joq besinşi sınıptıñ oquşısı» dep atağan. Twsau keserge bir apta qalğanda AQŞ-tıñ bedeldi basılımdarına taratılğan kitaptı jurnalister altı bölikke bölip, kitaptan qısqaşa üzindiler keltirude.

Olardıñ barlığın öltireyik

Vudvordtıñ sözinşe, Süriya biligi 2017 jıldıñ säuir ayında beybit twrğındarğa qarsı himiyalıq qaru qoldanğannan keyin Donal'd Tramp Qorğanıs ministri Djeyms Mettiske Başar Asad bastağan Süriya bilik ökilderin öltiruge wsınıs jasağan. Biraq Mettis Tramptıñ bwl wsınısınan bas tartqan.

Soltüstik Koreyağa soqqı jasayıq

Kitap avtorınıñ aytuınşa, Tramp Aq üy äkimşiligin Soltüstik Koreyağa soqqı jasayıq dep qorqıtqan. Ol 2018 jıldıñ qañtar ayında qorğanıs salasına bölinetin qarjını qısqartuğa baylanıstı ötken jabıq otırısta Qorğanıs ministri Djeyms Mettiske: «AQŞ äskeri Oñtüstik Koreyada ne istep jür? Zımıranğa qarsı äue qorğanısı jüyemiz ol jaqta ne istep twr?» degen swraqtar qoğan. Öz kezeginde Mettis Trampqa: «Oñtüstik Koreyadağı äue qorğanıs jüyesi üşinşi düniejüzilik soğıstıñ aldın alu üşin twr» dep jauap bergen.

Auğanstanda bwdanda jaqsı jwmıs isteuge bolar edi

Auğanstan mäselesine kelgende Vudvord Tramptıñ Auğanstandağı AQŞ armiyası ökilderine aytqan sözin mısalğa keltiredi. Vudvordtıñ sözinşe, Tramp bir kezdesude: «Auğanstanda bwdanda jaqsı jwmıs isteuge bolar edi. Endi qanşa ölim boladı? Qanşa adam ayaq, qolınan ayırıladı? Bwl qaşan ayaqtaladı?» - dep Auğanstandağı AQŞ äskeriniñ basşıların swraqtıñ astınan alğan.

Iza men essizdik

Vudvordtıñ jazuınşa, Tramp prezident saylauına Reseydiñ aralasuına qatıstı jürip jatqan tergeu jwmıstarına qattı alañdauşılıq tanıtuda. Ol tipti öziniñ jeke zañgeri Djon Dounmen atalmış iske qatıstı swraq-jauap testinde ötkizgen. Biraq testten ötpey qalğan. Testten keyin Doun Trampqa «eger prokuror Myullermen kezdesip, tergeuge alınatın bolsañ türmeden biraq şığasıñ» dep eskertu jasağan.

Aq üy emes «jındıhana»

Joğarıda atalğan oqiğalardan bölek «Qorqınış» kitabında Tramptıñ Aq üy qızmetkerlerine qalay qaraytındığı jöninde de aytılğan. Kitap avtorınıñ aytuınşa, Tramp sauda ministri Uilbur Rossqa: «Men sizge senbeymin. Bwdan bılay sizdiñ qanday da bir kelissözder jürgizgeniñizdi qalamaymın. Sizdiñ bastı rölde oynağan uaqıtıñız ayaqtaldı» - degen. Al Aq üy äkimşiliginiñ basşısı Rayns Pribustı köringen jerde jüretin «egeuqwyrıq» dep atağan.

Twitter-diñ AQŞ sayasatına äseri

Vudvord öz kitabında Tramptıñ «Twitter» paraqşasına erekşe toqtalğan. Onıñ aytuınşa, Tramp öziniñ «Twitter» paraqşasına kündelikti arnayı saraptama jürgizedi. Onıñ kömekşileri AQŞ halqı Tramptıñ qanday jazbasın köp talqılağanın, halıq arasında qanday mäsele özekti ekendigin zertteydi.

"The Qazaq Times"