Astanada prezidenti Nwrswltan Nazarbaev “Beybitşilik qabırğası” monumentiniñ aşılu saltanatına qatıstı. Monument Aqtöbe oblısınıñ Astananıñ 20 jıldığına arnalğan tartuı bolıp otır.

Memorialdıñ bastı erekşeligi "Beybitşilik" degen söz älemniñ 51 tilinde jazılğan.

Aşılu saltanatına diplomatiyalıq missiya jetekşileri, körnekti memleket jäne qoğam qayratkerleri, Parlament deputattarı, ziyalı qauım ökilderi, Aqtöbe oblısınıñ delegaciyası, sonımen birge Astanada ötip jatqan halıqaralıq Kelisimşart wyımınıñ qonaqtarı qatıstı.

«Beybitşilik qabırğasın» Täuelsizdik alañınıñ körnekti twsına, “Qazaq eli” monumentine jaqın jerde salınğan. Joba negizine Prezidenttiñ “Älem. HHİ ğasır” antiyadrolıq manifestiniñ ideyası engizilgen, sondıqtan nısan däl 29 tamız – halıqaralıq yadrolıq sınaqtarğa qarsı äreket küninde aşılıp otır.

“Beybitşilik qabırğası” twrqı tözimdi äri berik temirden jasalğan. Monumentti twrğızuğa jalpı aumağı 6 mıñ tekşe metr bolatın 1200 tonna granit paydalanıladı. Memorialda älemniñ 51 tilinde “Beybitşilik” degen söz jazılğan.

Oblıs byudjetine salınğan keşen beybitşilikti tu etkeni, beybit eldiñ mwratı eken ras. El ortalığı Astanamızdıñ körikti, el mereyine say bolğanı tağı dwrıs. Degenmen, beybit eldiñ  oblıstarı byudjetterin öz twrğındarınıñ igiligine jwmsağanı qwba-qwp.

“The Qazaq Times”