استانادا پرەزيدەنتى نۇرسۇلتان نازارباەۆ “بەيبىتشىلىك قابىرعاسى” مونۋمەنتىنىڭ اشىلۋ سالتاناتىنا قاتىستى. مونۋمەنت اقتوبە وبلىسىنىڭ استانانىڭ 20 جىلدىعىنا ارنالعان تارتۋى بولىپ وتىر.

مەموريالدىڭ باستى ەرەكشەلىگى "بەيبىتشىلىك" دەگەن ءسوز الەمنىڭ 51 تىلىندە جازىلعان.

اشىلۋ سالتاناتىنا ديپلوماتيالىق ميسسيا جەتەكشىلەرى، كورنەكتى مەملەكەت جانە قوعام قايراتكەرلەرى، پارلامەنت دەپۋتاتتارى، زيالى قاۋىم وكىلدەرى، اقتوبە وبلىسىنىڭ دەلەگاتسياسى، سونىمەن بىرگە استانادا ءوتىپ جاتقان حالىقارالىق كەلىسىمشارت ۇيىمىنىڭ قوناقتارى قاتىستى.

«بەيبىتشىلىك قابىرعاسىن» تاۋەلسىزدىك الاڭىنىڭ كورنەكتى تۇسىنا، “قازاق ەلى” مونۋمەنتىنە جاقىن جەردە سالىنعان. جوبا نەگىزىنە پرەزيدەنتتىڭ “الەم. ءححى عاسىر” انتيادرولىق مانيفەستىنىڭ يدەياسى ەنگىزىلگەن، سوندىقتان نىسان ءدال 29 تامىز – حالىقارالىق يادرولىق سىناقتارعا قارسى ارەكەت كۇنىندە اشىلىپ وتىر.

“بەيبىتشىلىك قابىرعاسى” تۇرقى ءتوزىمدى ءارى بەرىك تەمىردەن جاسالعان. مونۋمەنتتى تۇرعىزۋعا جالپى اۋماعى 6 مىڭ تەكشە مەتر بولاتىن 1200 توننا گرانيت پايدالانىلادى. مەموريالدا الەمنىڭ 51 تىلىندە “بەيبىتشىلىك” دەگەن ءسوز جازىلعان.

وبلىس بيۋدجەتىنە سالىنعان كەشەن بەيبىتشىلىكتى تۋ ەتكەنى، بەيبىت ەلدىڭ مۇراتى ەكەن راس. ەل ورتالىعى استانامىزدىڭ كورىكتى، ەل مەرەيىنە ساي بولعانى تاعى دۇرىس. دەگەنمەن، بەيبىت ەلدىڭ  وبلىستارى بيۋدجەتتەرىن ءوز تۇرعىندارىنىڭ يگىلىگىنە جۇمساعانى قۇبا-قۇپ.

“The Qazaq Times”