Foto: REZONANS.KZ

Qırğızstannıñ eks-prezidenti Almazbek Atambaev basqaratın Social-demokratiyalıq partiya (QSDP) 28 tamızda qazirgi bilikti sınap, mälimdeme jariyaladı.

Mälimdemede Almazbek Atambaevtıñ bedelin tüsiru maqsatında, ol memlekettik töñkeris jasauğa dayındalıp jatır eken degen qoğamda jalğan aqparat taratılıp jatqanı aytılğan.

"Köptegen adamdar bizge tüsindirudi swrap jatır. Jalğan qauesetti taratıp jatqan BAQ-qa qarap, olardıñ artında kim twrğanın tanu qiın emes. Al qwqıq qorğau organdarı bwl arandatuğa ädeyi män bermey otır. Soğan qarağanda, biliktiñ keybir ökilderiniñ jeke müddesi twrğan sekildi. Bilik ökilderiniñ ünsizdiginen keyin, bizdiñ tüsindiruimizge tura keldi", - delingen mälimdemede.

Bwdan bölek QSDP mälimdemesinde, qazirgi biliktiñ jürgizip otırğan sayasatınıñ sayazdığı, sayasi opponenterin qudalap, älsiz ekonomikalıq sayasat jürgizip otırğanı, halıqtıñ narazı köñil-küyin ösirip jatqanı aytılğan.

Öz kezeginde Qırğızstan prezidenti Sooronbay Jeenbekovtiñ äkimşiligi bwl mälimdemege jauap bermeytinin aytqan.

“The Qazaq Times”