فوتو: REZONANS.KZ

قىرعىزستاننىڭ ەكس-پرەزيدەنتى المازبەك اتامباەۆ باسقاراتىن سوتسيال-دەموكراتيالىق پارتيا (قسدپ) 28 تامىزدا قازىرگى بيلىكتى سىناپ، مالىمدەمە جاريالادى.

مالىمدەمەدە المازبەك اتامباەۆتىڭ بەدەلىن ءتۇسىرۋ ماقساتىندا، ول مەملەكەتتىك توڭكەرىس جاساۋعا دايىندالىپ جاتىر ەكەن دەگەن قوعامدا جالعان اقپارات تاراتىلىپ جاتقانى ايتىلعان.

"كوپتەگەن ادامدار بىزگە ءتۇسىندىرۋدى سۇراپ جاتىر. جالعان قاۋەسەتتى تاراتىپ جاتقان باق-قا قاراپ، ولاردىڭ ارتىندا كىم تۇرعانىن تانۋ قيىن ەمەس. ال قۇقىق قورعاۋ ورگاندارى بۇل ارانداتۋعا ادەيى ءمان بەرمەي وتىر. سوعان قاراعاندا، بيلىكتىڭ كەيبىر وكىلدەرىنىڭ جەكە مۇددەسى تۇرعان سەكىلدى. بيلىك وكىلدەرىنىڭ ۇنسىزدىگىنەن كەيىن، ءبىزدىڭ تۇسىندىرۋىمىزگە تۋرا كەلدى", - دەلىنگەن مالىمدەمەدە.

بۇدان بولەك قسدپ مالىمدەمەسىندە، قازىرگى بيلىكتىڭ جۇرگىزىپ وتىرعان ساياساتىنىڭ سايازدىعى، ساياسي وپپونەنتەرىن قۋدالاپ، ءالسىز ەكونوميكالىق ساياسات جۇرگىزىپ وتىرعانى، حالىقتىڭ نارازى كوڭىل-كۇيىن ءوسىرىپ جاتقانى ايتىلعان.

ءوز كەزەگىندە قىرعىزستان پرەزيدەنتى سوورونباي جەەنبەكوۆتىڭ اكىمشىلىگى بۇل مالىمدەمەگە جاۋاپ بەرمەيتىنىن ايتقان.

“The Qazaq Times”