Memlekettik qızmet isteri jäne sıbaylas jemqorlıqqa qarsı is-qimıl agenttiginiñ habarlauınşa, Sırtqı ister ministrliginiñ bwrınğı jauaptı xatşısı Anarbek Qaraşevtiñ üyin tintu kezinde 1,5 mln AQŞ dolları tärkilengen. 

Derekterge süyensek, Anarbek Qaraşev özine qarastı Säkenova, Nwrekenov jäne Jwmasanova attı qızmetkerlerden para alğan jäne zañğa qarsı äreketterdi jasırıp kelen. Atalğan üştik halıqaralıq deñgeydegi şaralardı ötkizgen käsipkerlerden 28 mln teñgeden astam para alğanı üşin jauapqa tartılıp otır. Memlekettik qızmetkerlerdiñ şeteldik saparlarına äue biletterin satıp alumen aynalısqan kompaniya byudjetke 10 mln teñge köleminde şığın keltirgeni belgili boldı. Para aludan bölek, Qaraşev jieniniñ firmasına da asıra qoldau körsetken.

Jartı jılda Sırtqı ister ministrligi ayasında 75 mıñ memlekettik qızmet türi wsınılğan. Biraq atalğan qızmetterdiñ 100%-ı qağaz küyinde qaldı desek te boladı. Qazaqstannıñ barlıq memlekettik organdarında sandıq tehnologiyamen jwmıstı qarqındı damıtu qolğa alınğanmen, naqtı nätijeniñ bolmay twrğan jayı bar. Jüyedegi salğırttıq pen qağazbastılıqtıñ saldarınan da halıqpen tikeley baylanıs ornatu arqılı, sıbaylas jemqorlıq körsetkişi artadı.

Eske sala keteyik, biıl 30-dan astam şeneunik para alğanı üşin wstalğan bolatın. Olardıñ basım böligine qızmetin asıra paydalandı jäne iri kölemdi qarjı jımqırdı degen ayıp tağılğan. Qazaqstan üşin bastı qauip jemqorlıqtıñ qaşan tübegeyli auızdıqtaları beymälim.

"The Qazaq Times"