جاڭادان سالىنعان جولداردىڭ بارلىعى اقىلى بولادى. بۇل تۋرالى قر يدم اۆتوموبيل جولدارى كوميتەتى توراعاسىنىڭ ورىنباسارى امانگەلدى بەكوۆ مالىمدەدى.

ەلىمىزدە وسى جىلى پايدالانۋعا بەرىلەتىن اقىلى جولدار «استانا – تەمىرتاۋ»، «الماتى – قاپشاعاي» جانە «الماتى – حورگوس» بولىپ ءۇش ۋچاسكەلىك باعىتقا بولىنگەن. اتالعان جولداردىڭ جالپى ۇزىندىعى 471 شاقىرىمدى قۇرايدى جانە ولاردىڭ بارلىعى وسى جىلدىڭ سوڭىنا دەيىن ىسكە قوسىلادى دەپ كۇتىلۋدە.

بۇدان بولەك بيىل «استانا – پاۆلودار» ۋچاسكەسى بويىنشا جوندەۋ جۇمىستارى ۋاقىتشا توقتاتىلعان. مەردىگەر كومپانيالاردىڭ ايتۋىنشا، اتالمىش تاس جولدا جىل سوڭىنا دەيىن قوزعالىس اشىلادى.

«وزدەرىڭىزگە بەلگىلى ورتالىق باعىتپەن قوساتىن استانا، ارقالىق، قاندىاعاش، ىرعىز ارقىلى وتەتىن ۇلكەن جوبا بار. قازىر جوبالىق-سمەتالىق قۇجاتتاماسى ازىرلەنىپ جاتىر. جوبا اياسىنداعى جۇمىستار 2020-2021 جىلدارى باستالادى دەپ جوسپارلانىپ وتىر. ايتا كەتۋ كەرەك، ءبىزدىڭ جوسپارىمىز بويىنشا، جاڭادان سالىنعان جولداردىڭ بارلىعى اقىلى بولادى»، — دەدى بەكوۆ.

“The Qazaq Times”