Sindzo Abe jäne Donal'd Tramp. Foto: morungexpress.com

Japoniya prem'er-ministri Şindzo Abe bügin (9 aqpan) AQŞ saparına attandı. Birer kün bwrınğı habarlanğanımızday, Abe AQŞ prezidenti Donald Tramppen bayandı kelissöz jasauğa ümitker. Aqüydiñ oğan qanday qonaqjaylıq körseteri belgisiz. Dese de, sarapşılardıñ köbi AQŞ-Japoniya qarım-qatınası tıñ deñgeyge köteriledi dep otır.

Japon ükimeti men jergilikti BAQ öz basşılarınıñ bwl saparın barınşa dabıra etude. Şindzo Abeniñ basqan-twrğanın qalt jibermey añdıp otıratın qıtaylıq BAQ-tıñ qızğındı taqırıbı da osı sapar. AQŞ-tıñ Qıtayğa qaratqan qabağı salqın tartqannan beri, Japoniyamen qarım-qatınası qoyulay tüsti. Soğan baylanıstı, qıtay aqparat qwraldarında Japoniya men AQŞ-tı sınap-mineui dağdığa aynaldı.

Japon bas uäziri (prem'er-ministri) Şindzo Abe bwl kezdesude Tramp ükimetin özine tartu üşin, japondıq kompaniyalardı AQŞ-qa investiciya saluğa şaqırıp qoydı. Alayda qıtay sarapşıları Tramp Japoniyanıñ sauda jüyesi, aqşa jäne qauipsizdik şığındarın sınğa aladı dep otır. Olardıñ oyınşa bwl twrğıda Japoniyanıñ  Trampqa wnamaytın wstanımdarı köp eken.

Al Germaniya BAQ-ı Şindzo Abemen jasap jatqan sauda-äriptestik qadamdarın Tramptıñ qwrğan twzağı dep otır. Sebebi, AQŞ-tıñ 8 aqpanğa deyin bölgen sırtqı sauda balansında Japoniya salmağı Germaniyanı basıp ozdı. Alayda, bwl üş jıldan keyin nemese odan bwrın ekinşi retki sauda-tapşılığın tudıruı bek mümkin. Japoniya sauda tarauların alañdatatını da osı mäsele. "Japonnıñ at-ataqsız käsip otındarınıñ bäri Tarmp sındı arıstannıñ azuına tüsip ketpek" deydi german aqparat qwraldarı.

“The Qazaq Times”