Foto: ruherald.com

Djo Bayden Donal'd Tramptıñ köşi-qon salasındağı jarlıqtarınıñ küşin joyıp, bosqındardı qabıldau kvotasın arttıra bastadı. Biıl AQŞ 125 mıñğa deyin migranttı elge kirgizbek.

Bwğan deyin Bayden AQŞ-qa bala kezinde kelgen zañsız kelimsekterdi aldağı 3 ay boyı elderine departaciyalamau turalı qaulığa qol qoyğan. Biraq Tehas sotı jaña prezidenttiñ bwl şeşimin eki aptağa bwğattap tastadı. Tehastıñ bas prokurorı Ken Pakstonnıñ aytuınşa, jaña zañ ştat ekonomikasına orasan zor şığın äkeledi. Bayden äkimşiligi Tehas sotına qarsı şağım tüsiretinin aytqan.

2016 jılı Donal'd Tramp bilikke kelgende, zañsız migraciyağa tosqauıl bolu maqsatında köşi-qon sayasatın qatañdatqan edi. Mäselen, sol jılı AQŞ jılına 85 mıñğa deyin bosqındı qabılday alatın bolsa, Tramp bwl körsetkişti 15 mıñğa deyin şektegen.

Zañsız migraciyamen küres, AQŞ-tıñ oñtüstik şekarasında dual twrğızu – Tramptıñ saylaualdı kampaniyası kezinde bergen uädeleri. Kongress prezidenttiñ bwl bastamaların qarjılandırudan bas tartqan. Mwnan soñ Tramp Meksikamen şekarada tötenşe jağday jariyalap, qarjını Pentagon men basqa da vedomstvolardan aldı.

Ortalıq Amerika elderiniñ twrğındarı migraciyalıq sayasattıñ qatañdağanına qaramastan, elderindegi kedeylikten Amerikada amalsız bas sauğalauğa mäjbür.

"The Qazaq Times"