Endi sottaluşı jazasın Şımkentten 35 şaqırım jerdegi Leñgir qalasındağı koloniyada öteytin boladı. 

“Bwl maksimal qauipsizdik mekemesi, yağni, qatañ tärtiptegi rejim, şamamen 500 adam boladı. Ğimarat 1976 jılı paydalanuğa berilgen bolatın”, – dep mälimdedi İİM Qılmıstıq-atqaru jüyesi komitetiniñ baspasöz qızmetiniñ qızmetkeri Ğalımjan Hasenov.

Biıl 14 naurızda Quandıq Bişimbaev  10 jılğa sottalğan. Oğan Astana qalalıq sotı "10 jılğa bas bostandığınan jäne ömir boyına memlekettik qızmetterde basşı lauazımında jwmıs isteu qwqığınan ayırılsın. Jazasın maksimaldı qauipsiz mekemede öteu" turalı ükim şığarılğan.

Eske salasaq , 2016 jıldıñ 30 jeltoqsanında bwrınğı Wlttıq ekonomika ministri  Quandıq Bişimbaevqa qatıstı tergeu şaraları jürip jatqanı belgili bolğan. QR SİM basşılıq qwramımen kezdesuinde Nwrswltan Nazarbaev Quandıq Bişimbaevtıñ qızmetten bosatılğanın mälimdegen. Keyinnen oğan Memlekettik qızmet isteri jäne sıbaylas jemqorlıqqa qarsı is-qimıl agenttigi “Bişimbaev top bolıp, aldın ala kelisim jasau arqılı asa iri kölemde birneşe ret para alğan jäne zañsız alğan qarajattı öz qajetine jaratqan”, – degen ayıp taqqan.

“The Qazaq Times”