ەندى سوتتالۋشى جازاسىن شىمكەنتتەن 35 شاقىرىم جەردەگى لەڭگىر قالاسىنداعى كولونيادا وتەيتىن بولادى. 

“بۇل ماكسيمال قاۋىپسىزدىك مەكەمەسى، ياعني، قاتاڭ تارتىپتەگى رەجيم، شامامەن 500 ادام بولادى. عيمارات 1976 جىلى پايدالانۋعا بەرىلگەن بولاتىن”، – دەپ مالىمدەدى ءىىم قىلمىستىق-اتقارۋ جۇيەسى كوميتەتىنىڭ ءباسپاسوز قىزمەتىنىڭ قىزمەتكەرى عالىمجان حاسەنوۆ.

بيىل 14 ناۋرىزدا قۋاندىق بيشىمباەۆ  10 جىلعا سوتتالعان. وعان استانا قالالىق سوتى "10 جىلعا باس بوستاندىعىنان جانە ءومىر بويىنا مەملەكەتتىك قىزمەتتەردە باسشى لاۋازىمىندا جۇمىس ىستەۋ قۇقىعىنان ايىرىلسىن. جازاسىن ماكسيمالدى قاۋىپسىز مەكەمەدە وتەۋ" تۋرالى ۇكىم شىعارىلعان.

ەسكە سالاساق ، 2016 جىلدىڭ 30 جەلتوقسانىندا بۇرىنعى ۇلتتىق ەكونوميكا ءمينيسترى  قۋاندىق بيشىمباەۆقا قاتىستى تەرگەۋ شارالارى ءجۇرىپ جاتقانى بەلگىلى بولعان. قر ءسىم باسشىلىق قۇرامىمەن كەزدەسۋىندە نۇرسۇلتان نازارباەۆ قۋاندىق بيشىمباەۆتىڭ قىزمەتتەن بوساتىلعانىن مالىمدەگەن. كەيىننەن وعان مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى “بيشىمباەۆ توپ بولىپ، الدىن الا كەلىسىم جاساۋ ارقىلى اسا ءىرى كولەمدە بىرنەشە رەت پارا العان جانە زاڭسىز العان قاراجاتتى ءوز قاجەتىنە جاراتقان”، – دەگەن ايىپ تاققان.

“The Qazaq Times”