Енді сотталушы жазасын Шымкенттен 35 шақырым жердегі Леңгір қаласындағы колонияда өтейтін болады. 

“Бұл максимал қауіпсіздік мекемесі, яғни, қатаң тәртіптегі режим, шамамен 500 адам болады. Ғимарат 1976 жылы пайдалануға берілген болатын”, – деп мәлімдеді ІІМ Қылмыстық-атқару жүйесі комитетінің баспасөз қызметінің қызметкері Ғалымжан Хасенов.

Биыл 14 наурызда Қуандық Бишімбаев  10 жылға сотталған. Оған Астана қалалық соты "10 жылға бас бостандығынан және өмір бойына мемлекеттік қызметтерде басшы лауазымында жұмыс істеу құқығынан айырылсын. Жазасын максималды қауіпсіз мекемеде өтеу" туралы үкім шығарылған.

Еске саласақ , 2016 жылдың 30 желтоқсанында бұрынғы Ұлттық экономика министрі  Қуандық Бишімбаевқа қатысты тергеу шаралары жүріп жатқаны белгілі болған. ҚР СІМ басшылық құрамымен кездесуінде Нұрсұлтан Назарбаев Қуандық Бишімбаевтың қызметтен босатылғанын мәлімдеген. Кейіннен оған Мемлекеттік қызмет істері және сыбайлас жемқорлыққа қарсы іс-қимыл агенттігі “Бишімбаев топ болып, алдын ала келісім жасау арқылы аса ірі көлемде бірнеше рет пара алған және заңсыз алған қаражатты өз қажетіне жаратқан”, – деген айып таққан.

“The Qazaq Times”