Armeniya SİM Qazaqstan prezidenti Nwrswltan Nazarbaev pen Resey basşısı Vladimir Putinniñ WQŞW-ğa qatıstı mälimdemelerine jauap berdi – dep habarlaydı ArmInfo aqparat agenttigi.

Agenttik mälimetinşe, Armeniya SİM baspasöz hatşısı Anna Nagdalyan Wjımdıq qauipsizdik turalıq kelisim şart wyımınıñ bas hatşısı YUriy Haçaturovqa qatıstı jasağan Nwrswltan Nazarbaev pen Vladimir Putinniñ mälimdemelerine jauap bergen. Onda ol: «Armeniyanıñ WQŞW-dağı bas hatşısın auıstıru wzaqqa sozılatın process. Resmi Erevan işki sot procesterin WQŞW-dan bölip alğısı keledi. Qol jetkizgen kelisimderge baylanıstı jwmıstardı WQŞW keñesi bekitui tiis. Ol şeşimder aldağı uaqıtta halıq nazarına wsınılatın boladı» - dep mälimdegen.

Esteriñizge salayıq, bwğan deyin Nwrswltan Nazarbaev Vladimir Putinmen ötkizgen kezdesuinde WQŞW bas hatşısı YUriy Haçaturovqa qatıstı mäseleni «problema» dep atağan.

Şilde ayınıñ 26-küni Armeniya tergeu qızmeti eks-prezident Robert Koçaryanğa «2008 jıldıñ 1 naurızında bolğan qarsılıq akciyası kezinde Konstituciyanı ayaq astı etti» degen ayıp tağıp, eki ayğa qamauğa alğan. Atalmış is boyınşa Koçaryanmen qatar eks-qorğanıs ministri Mikael Arutyunyan men WQŞW bas hatşısı YUriy Haçaturovtıñ üstinen de qılmıstıq is qozğalğan.

“The Qazaq Times”