Türkiya Qıtaymen birlesip atom elektr stanciyasın salmaq – dep habarlaydı RIA Novosti aqparat agenttigi.

Türkiyanıñ energetika jäne tabiği resurstar ministri Fatih Denmezdiñ sözinşe, qazirgi tañda özge aymaqtarmen salıstırğanda Stambwl qalası men Märmär teñizi aumağındağı audandar elektr energiyasın köbirek paydalanadı. Osığan baylanıstı Türkiya biligi Qıtaymen birlesip eldiñ europalıq böligi bolıp sanalatın Frakiya aumağına atom elektr stanciyasın saludı josparlauda. Äzirge AES qwrılısı qay uaqıtta bastalatını belgisiz. Biraq qos tarap birlesip jwmıs isteuge baylanıstı kelisimge kelgen.

Bwğan deyin säuir ayınıñ 3-i küni Türkiya Reseydiñ «Rosatom» kompaniyasımen birlesip №1 «Akkuyu» atom elektr stanciyasınıñ qwrılısın bastağan. «Akkuyu» AES-i «build-own-operate» (qwrastır-basqar-jüzege asır) modeli boyınşa salınuda. YAğni qwrılıs jwmıstarı ayaqtalğannan keyin «Akkuyudıñ» tolıqtay iesi "Rosatom" kompaniyası boladı jäne AES jwmısın bir özi jürgizedi.

Bwdan bölek Türkiya biligi aldağı uaqıtta Japoniyamen birlesip üşinşi atom elektr stanciyasınıñ qwrılısın bastamaq. Aldın ala boljam boyınşa, qwrılıs jwmıstarı jaqın uaqıtta Sinop provinciyasında bastaladı dep kütilude.

“The Qazaq Times”