Dissident-aqın Aron Atabek. Foto: aşıq derekköz

31 şildede Pavlodardağı türmede 18 jıldıq jazasın ötep jatqan dissident aqın Arona Edigeevpen (şığarmaşılıq atı - Aron Atabek) adam qwqığın qorğauşı Elena Semenova jolıqtı. Ol Atabektiñ sağı sınbağanın ayttı.

Semenovanıñ sözine qarağanda, ol raqımşılıq turalı ötiniş jazudan bas tartıp otır. Onıñ üstine, Atabek 17 şildede türme jazasınıñ üşten ekisin ötegen, sonıñ negizinde ol uaqıtınan bwrın bostandıqqa şığuğa ötiniş tüsiruine boladı. 65 jastağı Aron Atabek türmede şirui mümkin ekenin tüsinedi, biraq onı bwl mäsele qattı alañdatpaydı, dedi Semenova.

Aron Atabekti qoljazbalarınıñ tağdırı odan beter tolğandıradı. Türmede jazğan öleñderin ol äyeline, adam qwqığın qorğauşı Baqıtjan Töreğojinağa jäne dosı - sazger Bahtiyar Amanjolğa bergen.

Atabek öziniñ qoljazbalarına "tuğan balasınday" qaraydı, dedi adam qwqığın qorğauşı. Ol Semenovağa tağı üş öleñin bergen, biraq türme äkimşiligi olardı alıp qoyıp, cenzuradan ötkende ğana qaytarılatının eskertken.

Aron Atabek biıl aqparattıq vakuumda qalğanın aytqan. Aqınnıñ 65 jasqa toluımen adam qwqığın qorğauşı Evgeniy Jovtistiñ ğana qwttıqtauın alğan. Hat oğan jetpeydi. Oğan televizor köruge rwqsat etpeydi. Bwğan qosa Atabektiñ kiimi äbden tozğan, dedi Semenova.

2015 jılı 16 jeltoqsanda Londonda Aron Atabektiñ öleñder jinağı ağılşın tilinde Re-Zona-Nce degen ataumen basılıp şıqtı. Oğan aqınnıñ "RE-ZONA-NS" ciklındağı öleñderi endi. 2010 jılı Aron Atabekke Freedom to Create sıylığı "Türmedegi şığarmaşılıq iesi" nominaciyası boyınşa tabıs etildi. Atabektiñ özi türmede otırğandıqtan, sıylıqtı 2010 jılı qaraşada Kairde onıñ tuıstarı aldı.

65 jastağı Aron Atabek - "Şañıraq oqiğası" boyınşa wzaq merzimderge sottalğan törteudiñ eñ ülkeni. Onı 2006 jılı 14 şildede policiya qızmetkeriniñ ölimine äkep soqtırğan jappay tärtipsizdikke qatısqanı üşin sottadı. 18 jıldıq jazanı ol Pavlodardağı türmede ötep jatır.

“The Qazaq Times”