Iran İşki ister ministrligi taratqan mälimetke qarağanda, Europada esirtki saudasınıñ qarjı aynalımı 60 milliard AQŞ dollarına jetken. Osı mälimetti alğa tarta otırıp, Iran İşki ister ministri birqatar elder men halıqaralıq wyımdardı esirtki satu, tasımaldauğa qarsı küreste öz mindetin atqara almadı dep ayıptaydı. Bwl turalı IRNA aqparattıq agenttigi habarladı.

Iran İİM basşısı Rahmani Fazli sözinde: «Keybir elder qarjı jılıstatuğa qarsı zañdı jüzege asırıp jatırmız degenimen, esirtki saudası arqılı jılıstatılğan qarjını qalay basqarıp otırğanın aşıq aytpaydı. Al Iranda bolsa 2017 jıldıñ özinde 2 mıñ tonnadan astam esirtki zattarı tärkilendi. Bwl qauipsizdik küşteriniñ 2 mıñnan astam ret jürgizgen operaciyalarınıñ nätijesi», – dedi. Fazli bwl körsetkişter Iran qauipsizdik küşteriniñ esirtki saudasına qarsı kürestegi tabıstı nätijesin ayğaqtaytının alğa tartadı.

Iran tarabı özin älemdegi esirtki saudası men esirtki bwyımdarınıñ kontrabandasımen kürestegi köşbasşı el dep sanaydı. Mälimetterge qarağanda, esirtkige qarsı küreste Iran qauipsizdik küşterinen 3 mıñnan astam qızmetker şeyt bolğan.

“The Qazaq Times”